الخميس، مارس ٢٩، ٢٠٠٧

نص فوزي


إيه يا فوزي إنت لسة بتدور على نصك التاني؟
الظاهر ما فيش أمل يا بو الليل, شكلي عمري ما حلاقيه..
إنت متأكد إنك دورت كويس يا فوزي؟
هو انا ليا شغلانة غيره, ما فيش خرم إبره ما دورتش فيه..
انت اتولدت كده, و لا نصك التاني ضاع منك في السكة؟
اتولدت كده يا بو الليل..
و امتى ابتديت تحس إنك نص فوزي؟
لما انضربت على نص قفايا أول مرة..
و ليه انضربت على نص قفاك يا فوزي؟
عشان ما ليش غير نص ضهر يا بو الليل..
معاك سيجارة يا فوزي..
أيوه معايا يا بو الليل..
طيب حطها في نص طيزك الموجود يا فوزي.

يا خي أحه..

19 تعليقات:

غير معرف يقول...

ومالو يا كبير أهو برضه أرحم من خرطوم الشيشه اللى من غير ولعة عمك ناجى بتاع الطبطبة
بس تفتكر أنه هيفرق بعد الاستفساء ؟
وبعدين أنا فكرت برضه يا أبواليل
يعنى هوأنا كنت عملت أيه بالنص الأولاني عشان أدور على النص التانى؟
طيب يا أبو الليل أديك أهوه ما شاءالله نصين وحته ومعكش حتى سجارة تحطها لمؤخذه لافوق ولا تحت
صحيح على فكره يا كبير تفتكر حنظلة لمؤاخذه حاطط الحجر ورا ضهره ليه رغم أن محدش شاف وشه؟

غير معرف يقول...

فوزي ده حمال أسية
انت دايما بتشمطه يا أبو الليل

غير معرف يقول...

هههههه
أخيراً ظهر فوزي
هو كان غطسان فين؟
في البوست ده فوزي يستاهل أكتر من كده عشان بيدور على ضهر يسنده مع ان عنده دراع ممكن ياخد بيه و لو نص حقه
بس هو استسهل النبرر و استحلا السكع عالقفا
شديدة يا ابو الليل
تحياتي

Khalid يقول...

ncie graphics work! is that 3D studio?

Khalid يقول...

leh moderation ba2a?!!!

أبو الليل يقول...

خالد
لا يا خالد دي كنبة بجد
:)
فيه منها أحمر لو عايز

محمود المصري
أحبك و انت صاحي للون
:)

objection
هو اللي بيجيبه لنفسه
:)

فوزي
حاسس بيك جدا
بس و حياة أبوك يا فوزي طلع حنظلة من الحدوتة
:)
مش مهم وشه

تمر حنه يقول...

فاكر يا فوزى البت فوزية بتاعة الجيزة؟

فاكر ياتمر حنه

طب يا فوزى مانت كنت بتقول انها نصك التانى .. ايه اللى حصل؟

أول ما أكتمل قفايا كالبدر فى ليلة التمام لطختنى عليه

الله .. مانت أياميها كان لك ضهر يا فوزى .. ايه اللى حصل؟

صحيح يا تمر حنه .. مانا كان ليّا ضهر أياميها
..
طب وحيات أبوك طلع السيجارة اللى حطيتها و ولعها.. و سيبك من أبو الليل و ارضى تعيش نص.. يا فوزى

بس يا تمر حنه محتاج .. زهقان.. ضايع ..
يا فوزى افتكر اللى عملته فوزية .. و سيبك من نص قفاك التانى كده أضمن - نص القفا ولا القفا كله

بس يا تمر حنه برضك فوزية كانت مهنيانى و سايبالى مفتاح الشقة .. فكرة لمّا اديتنى آخر بيضتين فى التلاجة ؟

ياترى الجزمةاياها لسه موجودة عندك يافوزى؟

آه يا تمر حنه .. بس للأسف فردة واحدة .. مش لاقى الفردة التانية

طب يافوزى .. فردة شمال ولا يمين؟

الشمال يا تمر حنه

طب يا فوزى .. حطها زى ما أبو الليل قالّك بالظبط

غير معرف يقول...

إنت مصيبه
موتني من الضحك

أبو الليل يقول...

تمر حنة
أنت مؤرخة شديدة التميز لتاريخ فوزي النضالي
لا فض فوكي يا شيخة
نياهاهاها بجد
:)

غير معرف يقول...

LOL
great post

غير معرف يقول...

ماشى يا كبير طلباتك أوامر وعلى أى حال حنظله فوق الراس وجوه القلب
تمرحنه روحى ياشيخه الله يحظك ---بس على فكره
أنا لقيت الفردة الثانية لكن المره دى سماح – واللى يلعب بالدح ميقلش أح- لمؤخذه

أبو الليل يقول...

فوزي
أسعد الله صباحك
هيا نرصّها
حجراً حجر
:)

غير معرف يقول...

أبوالليل
أسعد الله حياتك
فليكن --- ولتكن أحجار مكتملت الولعة في غياب عم ناجي وبصمة عاشور الناجي

http://www2.blogger.com/home

Egyptians in the UK يقول...

ابو الليل ...بوست رائع ...اظهر لنا قيمه نفتقدها و ما زلنا نفتقدها فى مجتمعاتنا الا و هى قيمة التعاون...و قد ظهرافتقاد هذه القيمه فى الصوره الرائعه للكنبه الخاليه من النصين ...و ايضا اظهرت لنا فى نصك البسيط و الابداعى فى ذات الوقت بان "ايد لوحدها ما تصقفش" مع تحياتى

غير معرف يقول...

طلب

خف علينا ف الفاظك شويه ياعم الحاج بنتكثف برده احنا ولايا

قول قول مش عاجبك ماتدخليش

اقولك بحب المدونه

بس بنتكثف

افرض ابويا دخل عليا وحب يقرا

مش كفايه اسمها

يفتكر ايه بقه لما يشوف الكلام ده

وانت عارف ابهات الايام دى

وانا ماقدرششش مادخلششش وحياتك ماقدرشىىى

يلا

قشطاااات عليك

أبو الليل يقول...

مكسوفة
لو بابا قفشك ذات مرة متلبسة بالجرم المشهود أثناء تصفحك ل "يا خي أحه" اعمليله فنجان قهوة معتبر و خليه يقرا براحته بدل ما تكبسي على نفس الراجل
:)

Egy in uk
مع إني ما قصدتش موضوع التعاون, بس بشكرك على كلماتك الحنونة
:)

فوزي
:)

Egyptians in the UK يقول...

باقول لك ايه يا فوزى
يا اخى احه
:))))

غير معرف يقول...

ابو الليل العزيز
تعبنا قووي مع فوزي ومع كده برضه بننتظر حكاياته ومع انه صورة لكتير قوي بس بيوحشنا وخف علي الرجل شوية انت بتشرح كل حته فيه فوزي بقي عامل زي المصفي والسيجارة مش هتفيد معاه لانه اصبح مخرم من كل اتجاه
وعاشت شفافية الاحة والحرية للنطق بها واخيرا
ياخي احه

غير معرف يقول...

لالالا احه بجد بجد