عم ناجي
عم ناجي بتاع الولعة..
في قهوة بلدي..
طبطب على كتفي..
من غير ما اشكيله هم..
ما يعرفش حتى إسمي..
بس النفس الأخراني..
فهم منه حاجة..
مع إني كنت ببتسم..
جه..
طبطب عليا..
و مشي..
ندهت:
"هات ولعة يا عم ناجي.."
عم ناجي ماسمعش..
أحه يا عم ناجي..
يا بتاع الولعة..
يا راجل يا طيب..
يا خي أحه..
في قهوة بلدي..
طبطب على كتفي..
من غير ما اشكيله هم..
ما يعرفش حتى إسمي..
بس النفس الأخراني..
فهم منه حاجة..
مع إني كنت ببتسم..
جه..
طبطب عليا..
و مشي..
ندهت:
"هات ولعة يا عم ناجي.."
عم ناجي ماسمعش..
أحه يا عم ناجي..
يا بتاع الولعة..
يا راجل يا طيب..
يا خي أحه..
22 تعليقات:
أما أنت غريب يا أبو الليل!!
زعلت من عم ناجي عشان احترم صمتك
؟؟؟
هو سمع لكن خد قرار عنك أنك شيشت كفاية والوقت متأخر ولازم تروح لأن شكلها كده والله أعلم على رأي فضل مش باين لها حل
ثم الحكاية مش محتاجة ولعة لأنها أصبحت ذاتية الاشتعال
:)
لقطة دافئة و نادرة
رائع يا ابو الليل
فاهمك ، بس زعلان منك :(
العزيز ابو الليل
البوست ده بكاني بجد الله يسامحك
شيء جميل و راقي إن حد يطبطب علينا من غير ما يعرفنا و من غير ما نحكيله عن الألم اللي جوانا
أجمل تحية
تقولي عم ناجي تقولي طبطب عليا .. مبئاش ياكل خلاص يا برنس و خلي بالك عشان ممكن المرة الي جاية يجي عم ناجي و يشخرلك شخرة اسكندراني عجب .. و بعدين يا ابو الليل متروح تكمل باقي الحجر في اي حتة تاني و مشيها بالادب احسن
صباح الفل يا بو الليل يا جميل
بتحط إيدك عالجرح كالعادة
العم ناجي شخص بسيط و غلبان بس قدر يحس بأخوه الأنسان في زمن أصبح من المستغرب أن يشعر الناس ببعضهم وسط زحمة الحياة و الضوضاء
أخوك محمود
ازي صحتك؟
بحب ازورك
و انت مش تيجي تزورني
ربنا يديك القوة و الصبر يا بو الليل
انا مدمن على قراية كتاباتك الساخرة و الموجعة في نفس الوقت
مش عم ناجى بس هو اللى حس بيك يابوالليل.. أصل النفس الأخرانى ده قال كتير..
النفس الأخرانى مابيكذبش ..
فاهماك و عمرى مازعل منك
مابقاش فى عم ناجى ف الزمن ده...ياعم ناجى ياللى جوااانا ..ارجععع بقققه ...اشتقناااااالك
قلبنا معاك يالول
جميل أن نجد من يشعر بنا و يمارس فعل الاحتواء دونما حسابات للمكسب والخسارة
عم ناجى أحد الذين هربوا من زمن لم يعد موجودا.. زمن الابيض والاسود..
يابختك ياعم .. ياريت انا كمان الاقى عم ناجى... أى ناجى
سلامتك من الاه هلى راى كاظم
و أنا كمان زعلان
ابو الليل... مش جايز عم ناجى حس من تعبيرات و شك انه ماعجبكش حجر المعسل...على الرغم انه كان بيرص لك معسل زغلول مخصوص...عموما حصل خير
مع تحياتى
المهم انت حاسبت الراجل ولا لاء؟؟؟؟
يا عم هوه شكله كده كان عايز يروح بدري وبيقلك بالزوق كفايه و بتاع
كعادته دائماً يبدع ابو الليل في تصوير لحظة حياتية جميلة.
افحمتني يا ابو الليل ومشهد رائع صراحةً،ياريت الناس تحس ببعض زي عم ناجي كدة ، وعلى فكرة يا ابو الليل عم ناجي راجل بيرص الولعة 10 على 10 .
بس المشلكة أن كل الناس الي بترص الولعة الكويسيين فيهم عادة سيئةدايما،،ً لأنهم بشر طبعاً ،، يجيلك بمزاجة،، ولكن لما تبقى محتاجة عشان الولعة وتنادي عليه ،،ينشف ريق اهلك ويضيع الدماغ الي عملة الواحد ، ويجيلك بعد ما ينتهي وقت استمتاعك بأنفاس المعسل، وتكون انت اتبضنت .
ولكن هتعمل ايه،، هتفضل محتاجة لأنه رجل الولعة.
تحياتي
وليد
محبتي لكم جميعا
حلو اوى حكاية عم ناجى دى
فعلا احنا شعب مجرم بلسان طويل
الراجل الطيب يطبطب عليك
وانت تقوله احه يا عم ناجى
مش بقولك العيب فينا
يبقى ليه نقول هوا اللى بيفترى
مش احنا اللى عاجبناه حالنا
ولا بلاش نتكلم
ربنا يسامحك يا ناجى
........
منتاااااااااز ابو الليل
احه يا بو الليل انت ناوى تبضنا كده كتير ولا ايه ما ترجع بقى يا ابو الليل وحشتنا شخرراتك الاحاوية الجامده
هههههههههه
بتحصل معايا
بس ببخ فيه لو طنشنى
هههههههههههه
هم يبكى ...وهم يضحك لسه فيه خير ممكن من غير ميعرفك يطبطب عليك وعايز اقول كفاية احة دا احنا منكتر قولها جت لنا بحه والله يابو الليل حركت فينا الزمن الجميل لما ماكنش فيه احه.......
إرسال تعليق