دلّعونا يا دلعونا*

و رغم كل شئ لازلنا نملك القدرة على ترويض الأسود بكل شجاعة و إقدام, و تحويلها إلى قطط مستأنسة..


........................
*دلعونا الغير مشدّدة
........................

يا خي أحّه..

أخبار اليوم صحيفة معارضة

عاصفة من الحب، بادل بها عمال مصر الرئيس مبارك، وشهادة حق تذيل تقريرا يحمل اتهامات بالتقصير الشديد والاهمال، والفشل لاداء الحكومة. لكن رباطا واحدا يجمعهما.
رباط يؤكد أن شعب مصر كله، يبادل الرئيس الثقة والحب.. لانه السند القوي الذي يقف دائما منحازا للحق والعدل.. يقف دائما سندا لشعبه.. يدرك آماله وطموحاته.. يعيش همومه ومشاكله.
مبارك الذي حمل عمال مصر صوره، لانه الملاذ والحماية لحقوقهم ومصالحهم، هو مبارك الذي لا يتدخل في عمل أي جهاز من أجهزة الرقابة، ففي عهده اتسعت الحرية، ليكون صوت الشعب والقانون، سيدا يحظي بالاحترام والتقدير، حتي من أعلي سلطة في مصر.

العمال رفعوا صور الرئيس خلال المظاهرات، ورفعوها في يوم عيدهم.. الرئيس هو التهديد الوحيد، الذي يستخدمه عمال مصر، وكل ابنائها البسطاء، عندما يشعرون أن هناك أحدا يريد المساس بحقوقهم.. انه الرمز الذي يلجأون إليه.. إنه الحصن الذي يحتويهم، ويذود عنهم.
إنه كبير مصر، ليس لأنه الرئيس فقط!! ولكن لأنه مبارك الانسان، ابن أرضها الطيبة، ونبت شعبها الاصيل..
مبارك لا يملك كل من يعرفه إلا أن يحبه.. مبارك الذي يتحدث بنفس اللغة والمفردات، التي تعكس سماحة وصفاء ونقاء سريرة، يتميز بها المصريون عن كل أجناس الأرض. مبارك الذي يحرص دائما، في كل زياراته التفقدية، علي أن يسأل العمال.. يتحدث معهم.. يستفسر عن أحوالهم.. يعيش هموم شعب يثق في أن قائده،

كان هذا اقتباساً من مقال القط الساخن في جريدة أخبار اليوم المعارضة

وها هي الريشة (المشاغبة) لفنان الأمة عمرو فهمي على قدي تؤكد على رؤية القط و تحمّل نظيف و حكومته المسؤولية عن كل المصايب و تشدد على سلبيته و إهماله لواجباته والأهم الفشل في تنفيذ (توجيهات السيد الرئيس) المنبثقة من عواصف و زعابيب الحب وآخرها عاصفة الحب الخماسينية في الربيع الأخير الذي سيمر على نظيف و زمرته من المارقين!


مرحباً بأخبار اليوم في حلّتها المعارضة في انتظار المانشيت القادم:

نجاح حملة أخبار اليوم "مين غيرك يحمينا و الدنيا ربيع" في إسقاط الحكومة



يا خي أحه..

قمّة عربية

تحديث: يا خي أحه

إستفساء

يا خي أحه..

سينما "الحالة" بين الواقعية و الفانتازيا

Maciej Wierzbicki/Poland

بعد ما..
راح..
قام..
فجه..
بس يا خسارة..

:)
تحديث:
لمزيد من التوحد مع "الحالة" أبو الليل يتبرع بالساوند تراك لصالح دعم مناهضة اضطهاد الحمامة الزاجلة.


يا خي أحه..

بليز شوف

موكئ الكناة

يا خي أحه..

كنتكة

سلسلة مطاعم كنتاكي الأمريكية في مصر حتلاقيها منين و لا منين يا عيني..
من إنفلونزا الطيور و لا من "جاسون بيكر" بتاع مظاهرة الكتكوت الأعرج و لا من "عبكريم إزدراء" اللي جهر بإفطاره في أحد مطاعمها خلال شهر رمضان؟
ما علينا..
تعرف تقول العبارة دي سبع مرات متتالية دون تلعثم؟
تكنتك المتكنتكون كنتكة فاقت كنتكة المتكنتكين
:)

يا خي أحه..

رِجل أسد و بردقوش

رابط الفيديو

""انتبه..أنت في حضرة الشيخ العطّار,لا خاب من استشار"..
"مجموعة "ربيو" إدفع و اخسر"..
"حتقوم بدهن المناطق الحساسة"..
"و تاخده مرتين في اليوم و بالهنا و الشفا"..
"لما تحس إنك جعان حتدوس عليه"..

شايفين "الشيخ العطار" عايز منكم إيه؟
يعني مش كفاية إنك حتدهنها (المناطق الحساسة), لا و كمان (حتاخده) مرتين في اليوم, و لو جالك الشوق تاني حتدوس عليه (يتاع الشيخ العطار) و هو حيقوم باللازم, و المصيبة الكبرى إنك حتدفعله بمزاجك عشان تخسر..

والنبي تركزوا معايا في تعبيرات و حركات الشاب الفلتة, مش بعيد السيما تشقطه على فكره..

****************************

رابط الفيديو

"إنت مين ؟؟"..
كل ده و لسة ما عرفتش هو مين يا بضان جوز خالتك؟ هو انت مش برضه ساكن جنب الشاب اللي في الإعلان السابق و متعود تاخده زيه؟
"بقالي خمس سنين متجوز و ما حصلش حمل"..
ده شيء طبيعي يا كابتن لإنك بتاخده (الربيو) طول الخمس سنين, إلا لو كنت فاكر إنك إنت اللي المفروض تحبل, فيا ريت تغير (التكنيك) و تشوفلك عطار تاني, أو تستغنى عنه يومين (لو قدرت) يمكن الموضوع ينفع مع المدام لا مؤاخذة..

"مولودي سوبر بروو هو الحل"
و ده شعار سياسي يا شيخ يا عطار؟ يعني حتخسسهم و بعدين تحبلهم؟

****************************

رابط الفيديو

ده جزء صغنن من الإعلان الأول

مش حتكلم على شغل الجرافيك المبهر و المؤثرات البصرية و السمعية عالية الجودة و تكنيك الإخراج الشرجي,عشان ده موضوع كبير كبير, و محتاج تدوينات عن "ثورة إعلانات بير السلم" التي انتشرت و تسللت و توغلت بين شقوق فضائياتنا الغرّاء حاملة معها نكهة الخراء المميزة مع صوص البول الحار مضافاً إليها سلطة البربور الشهيرة..

maria colino/spain

****************************



رابط الفيديو

و ده شعار قناة الناس الفضائية الغرّاء
"شاشة تأخذك للجنة"
أحه...
شاشة إيه و زفت إيه يا ولاد الهبلة اللي حتدخلنا الجنة؟
يعني نقعد نسكر و نزني و نلعب قمار و آخر اليوم نفتح أم الشاشة بتاعتكم عشان نطهر نفسنا من ذنوبنا و نكسب حسنات فضائية من خلال التأمل في وجوه شيوخكم (العباقرة) و من خلال الاتصالات التليفونية على الأرقام (الساخنة), و متابعة الإعلانات اللولبية بتاعة الأعشاب و العسل و المراهم و شورت التخسيس و اللبان المخصي (ده غير اللبان الدكر)

بزبيبة فالصو و دقن عيرة فاتحين محطة
ما هو شغل حنجل و شغل مندل و بيع أونطة

****************************

هامش:

يعني لما ييجي حد من الإخوة إياهم و يقعد يتريق على الإسلام, حيلاقي قدامه طبق من دهب بيقدمه ناس يتميزون بأعلى درجات البلاهة و الهطل و التخلف العقلي, ناس من جماعة بير السلم برضه.. أصل الناس (إياهم) بتتلكك اليومين دول على أي حاجة تشوه صورة المسلمين ظناً منهم أنهم قادرون على تشويه "الإسلام" ذاته! هع هع... قدمت و حمضت و خللت خالص مالص يا كتاكيت, دول طبعاً غير المعرصين اللي مش محتاجين تلكيك و قال إيه بيلعبوا في آيات القرآن الكريم على سبيل التخلص من الرتابة و النمطية و الملل و رغبة في توسيع الخيال و فتحات الشرج و من ثم الدندنة ببعض الترانيم (ترانيم بطة و وزة) و بعد ذلك يقومون (بإخراج) ما في عقولهم في جردل بمبي مسخسخ, و بعد ما يتشطفوا (لا مؤاخذة) يجروا على الوقفة التضامنية الاحتجاجية المشبرّة لدعم حقوق الناس المأفورة!

****************************

كمان هامش..

ياسر أحمد/سوريا

بس خلاص..

يا خي أحه..

نحت: انتقالية صومالية

انتقالية صومالية/نحت على الخشب/صناعة أمريكية تقليدية

انتقالية أخرى.. هذه المرة في (القرن) الإفريقي, و بالتأكيد (القاعدة) موجودة, يبدو أن (القرن) الحادي و العشرين هو قرن (القرون) نحو (قرن) أوسط جديد..


يا خي أحه..

تحديث 16/1/07: من هناك

التوربيني و الميلشيات قمعوا هويدي في شارع الأهرام

أكدت محطة "همبكة نيوز" الإخبارية منذ قليل أن سبب عدم ظهور مقال "فهمي هويدي" في الأهرام يوم الثلاثاء هو بسبب تعرض الكاتب الكبير لاعتداء آثم من مجموعة من الملثمين الذين يجيدون الفنون القتالية, حيث أرغموه على النزول من سيارته التي كانت تسير في شارع الأهرام و قاموا بوصلة قتالية بمصاحبة إنشادية من فرقة "صامدون" و أكد شهود عيان أنهم شاهدوا التوربيني يتوسط المجموعة الملثمة رغم تأكيد الجهات الأمنية على اعتقاله و اعتقال جميع أفراد الميليشيات المارقة, و نجح المعتدون في الحصول على المقال الذي كان من المفترض أن يتم نشره في الجريدة الغراء يوم الثلاثاء بعد أن قاموا بالتنكيل بالكاتب الكبير و بتحطيم زجاج سيارته, ثم لاذوا بالفرار إلى أماكن اعتقالهم حسب ما وردنا من مراسلتنا "فوزية بلبلة" و سنوافيكم بآخر المستجدات فابقوا معنا..
...............................

في رواية أخرى صرح مصدر مسؤول (رفض ذكر اسمه أو لون ربطة عنقه) أن السبب الحقيقي لعدم (نشر) مقال "فهمي هويدي" في الأهرام هو أن الأهرام منطقة سياحية و ليس من المقبول (نشر) الغسيل على الحبال بين خوفو و خفرع و منقرع مما سيؤدي إلى تشويه الصورة الحضارية للمنطقة الأثرية.
...............................

و في رواية ثالثة, صرح أحد كبار الصحفيين في مؤسسة الأهرام (الصحفية مش بتاعة المشاريب لا مؤاخذة) أن المقال لم يتم (نشره) لأن (المنشار) الموجود في المؤسسة اصبح (تلم) و لم ينجح في (نشر) المقال الذي كان (خشبه) قويا و سميكاً على ما يبدو..
...............................

نتكلم جد شوية (معلش استحملني يا فوزي همبكة)

تحدث منذ قليل السيد حازم عبد الرحمن مدير تحرير الأهرام إلى برنامج العاشرة مساء على قناة دريم الفضائية و أكد على ما يلي:
سبب منع مقال فهمي هويدي من النشر هو تحيزه -المقال و صاحبه- للإخوان (الجماعة المحظورة لا مؤاخذة) و أنه يروج و يسوق لفكرهم.
و أشار أن منع المقال ليس قمعاً لحرية الرأي لكن لا يمكن التسامح مع هذه (الأفكار).
و حين أخبرته المحاورة عن إمكانية قيام فهمي هويدي بنشر مقاله في جريدة أخرى أجاب ساخراً:
ما حدش حيقراله لأن الأهرام بيقراها 5 أو 6 مليون قارئ يومياُ بينما أي جريدة (أخرى) لا يزيد عدد قرائها عن (ألف) أو أكتر!!!!
مش بهجص و لا ببالغ ده الكلام اللي اتقال بالحرف.
بغض النظر عن صحة أو خطأ وجهة نظر "فهمي هويدي" فما حدث من منع و من ثم تبرير (هزلي) هو استمرار للمساخر في الصحافة القومية..
بس حابب أسأل مسيو حازم عبرحمن: تفتكر بجد كام واحد قرأ و سيقرأ مقال فهمي هويدي الممنوع من (النشر) لا مؤاخذة؟!!
دم دم تك صحيح .. :)
.............................

تحديث: تم إدراج رابط المقال من جريدة الخليج (الإمارتية) و حذف و تعديل ما ترتب على توافره من التدوينة و قد وجب التنويه.
تحديث 2: المقال في المصري اليوم
:)

يا خي أحه..

"الديانة الفوزوية" فين القضية؟

فوزي صحي من النوم, دخل الحمّام, بص في المراية, لقى وشه منوًر..
فوزي افتكر إنه قبل ما يصحى كان بيحلم حلم غريب..
حلم إنه بدقن بيضة, و لابس أبيض في أبيض, و قاعد على كرسي عالي, و من حواليه ناس كتير كتير.. راكعين قدامه و بيعيطوا و بيقولوه: عدينا عالبر التاني يا فوزي, عدينا و اشقطنا يا فوزي..
فوزي كان ساكن جنب "مجلس الدولة" و سمع صوت دوشة, و لأنه بيحب الزحمة, نزل على ملا وشه, و فهم إنه الناس جاية تقف جنب واحد بهائي, طبعاً فوزي ما يعرفش يعني إيه بهائي, و كان فاكر إنه ممكن يكونوا قبضوا على بهاء سلطان للتهرب من الخدمة العسكرية زي تامر حسني و هيثم شاكر, و زاد اقتناعه بأن البهائي زي التامري و الهيثمي له معجبين و مريدين, خصوصاً لما لقى فيه شباب و نسوان محموقة و شايلة يفط مكتوب عليها: البهائي قلبه بيوجعه و عايز حد يدلعه..
وعشان فوزي بيحب بهاء, و بيحب النسوان النضيفة اللي بتلبس نضارة و بتشيل يافطة بالإنجليزي, دخل في الوقفة و قعد يهتف لبهاء و لكل عشاقه من البهائيين المكلومين.. و فجأة فوزي افتكر الحلم, فوزي افتكر شكله و هو عليه الهيبة و لابس ابيض ناصع و الناس راكعين من حواليه..و افتكر كمان صورة وشه المنوَر في مراية الحمّام.. فوزي قال لنفسه: إيه الهبل اللي أنا بعمله هنا (يقصد الوقفة)؟.. ده لا مكاني و لا مقامي, إيه يعني تامر و لا هيثم و لا بهاء بروح أمهم؟ همه أحسن مني في إيه يعني؟ هو أنا ناقص إيد و لا رجل و لا حتى صوت حلو؟
وحياة أمي من بكره لزيح البلاطة و لعمل كليب فشخ على ميلودي و حجيب سعيد الماروق بتاع نانسي و حكسّر الدنيا, و حتهرّب من أداء الخدمة العسكرية, و أزوّر في المستندات, وحياة أمي لاقطعه (يقصد صباع رجله الصغنن) لو ما جاليش ألافات مؤلّفة و ملوا الساحات و الميادين شايلين اليُفط الألوان و بيهتفوا لي من نغاشيش قلبهم تضامناً مع قضيتي العادلة و حقي المصيري في الغنا و التزوير و الفلسعة..

انتهى
.........................


توثيق: (بعض الهتافات في وقفة السبت التي تعقبها "قعدة" الخميس في النادي الجريكي)
يا بتوع الهيومان رايتس عايزين ويسكي من غير آيس..
تعبد بقرة و لا خروف حقك تنزل في الكشوف
لا تمييز لا تمييز كل واحد حر الطيز..
......................

هامش:

فوزي آخر:
إنت يا أبو الليل واحد جاهل و دوجماتي و شوفيني (بصّي عليا), فيها إيه لما كل واحد يعمل اللي هو عايزه أو يعبد اللي يرتاح إليه فؤاده و عقله, او حتى يلبس أو ما يلبسش اللي يريحه و يرحرحه لا مؤاخذة؟ عايزين دولة مدنية تكفل حرية المواطنة و لا تميز.....

أبو الليل:
شوف يا فوزي يا خويا..
لو شفت واحد بيعبد خروف في الشارع (المصري) فده اسمه استفزاز لعقيدة السواد الأعظم من المصريين مسلمين كانوا أو مسيحيين. بس لو الراجل ده نفسه قعد يعبد الخروف بتاعه في بيته أو في عزبة أبوه, ما فيش مشكلة, هو حر..
و لو شفت واحدة نازلة الشارع بلبوصة فده استفزاز برضه للشعب الهايج اللي مش متربي (الشعب اللي عايزين تغيروه بشعب جديد أكثر روشنة و تحضراَ)..
هو احنا مش عايشين في (مصر) برضه؟
و دي تبقى حاجة ككا و مقرفة إن يكون للمجتمع أعرافه و تقاليده الخاصة؟
يعني المفروض الشعب يكيف نفسه (لا مؤاخذة) مع ما يتناقض مع بديهياته و أبجدياته عشان يبقى فلّه؟
و لا المفروض أن (الأجسام) الغريبة تحترم و تتفهم فكرة الانسجام مع المجتمع؟
يعني لما الفرنسيس يمنعوا الحجاب في المدارس, فده حقهم, ده مجتمعهم و دي ثقافتهم و مدنيتهم, و اللي مش عاجبه يشوفله مجتمع تاني يتقبل الأمر, يا إما ينصاع و ينصهر و يدور على بدائل..
بعدين بعض الأخوة الملاحدة أو (اللادينيين) -عشان ما يزعوش- نازلين تريقة و ازدراء في الأديان السماوية و الأرضية, مالهم اتحمقوا قوي كده عشان ديانات الأقليات, مع أنهم حيموتوا يشوفوا مجتمع علماني همايوني ما فيهوش الناس الهبلة ضيقة الأفق و اللي بتصدق و بتؤمن بحاجات مسخرة (على حد زعمهم)..
و الناس بتوع الحملات الفروجية و الكندوزية ما حيصدقوا يدوها "كاك كاك"..
ما علينا..

كل كلامي لا يعني التقوقع و الانعزال و التخلف عن ركب التحضر و التطور و الإصلاح و (المدنية)..
و لا أقصد من كلامي الإساءة إلى من يعبد الخروف في بيته أو إلى البلبوصة اللي بتاخد (شاور) في بيتها أو بيته ( بيت بتاع الخروف) لانهم أحرار.. و لا أقصد كمان الإساءة إلى فوزي (أبو وش منوّر) أو مريديه..

ما تنسوش وقفة السبت وحياة أبوكم, احتمال الجزيرة مباشر و الجزيرة انترناسيونال تتابع الوقفة, و ابقوا اعملولي (باي) عشان أعمل معاكم واجب, أصل أبي الليل بيقدم جوايز اليومين دول (

عايزينها نضيفة نضيفة..عايزينها مغسولة يا رفاق.. , و أرجوكم ما تخافوش لأن التوربيني اتحبس, و لأنه مالوش إلا في العيال لا مؤاخذة..


يا خي أحّه..

تحديث:
الحكم بعدم جواز اثبات الديانة البهائية فى الاوراق

قط في طائرة الرئاسة

اقتباس من مقال ممتاز القط في جريدة أخبار اليوم لا مؤاخذة:

أجمل شيء علي طائرة الرئاسة هو أننا نرافق فيها الرئيس.. نراه ونتحاور معه في حديث لا يعرف أي خطوط حمراء.. حديث من القلب نقترب فيه أكثر وأكثر من فكر الرجل، الذي قاد أكبر مسيرة تحول في تاريخ مصر الحديث، بعد أن كان أحد قادة انتصاراته في السادس من أكتوبر.
الرئيس مبارك.. انسان بسيط لأقصي درجة.. خلال لحظات قصيرة يصبح فيها الاب والأخ الأكبر لكل من يتحدث معه، ليزيل منه رهبة الحديث مع رئيس الجمهورية.. حديثه عن مصر هو صفحات حب ووفاء، وعرفان لا يعرف الحدود.. وعندما يتحدث عن الانسان المصري، تدرك بسرعة انه يتحدث عن شخص يعرفه بالاسم.. يعرف آماله وطموحاته وأحلامه.. ويلمس أيضا عن قرب كل همومه ومعاناته.
طائرة الرئاسة.. طائرة عادية في كل شيء، سوي ترتيب الكراسي فيها، ووجود غرفة صغيرة بها سرير مفرد، ملحق به صالون صغير، عادة ما يجلس فيه الرئيس مع كبار مرافقيه.. طائرة عادية، أعتقد أن معظم خطوط الطيران بدأت تستغني عنها في الخدمة، لتدخل طائرات ركاب متطورة، تتحول فيها كراسي الدرجة الأولي إلي ما يشبه أسرة النوم، ويتحكم الراكب فيها في كل شيء.
بصراحة، كانت توقعاتي في الماضي عن طائرة الرئاسة تختلف تماما.. فعادة ما يصنع الناس قصصا وهالات من الأبهة والفخامة، تتعلق بكل شيء في حياة القادة والزعماء، ومنها بالطبع الطائرات التي يسافرون عليها.
ولكن الذين يعرفون الرئيس مبارك عن قرب، يعرفون كم تواضعه وبساطته، وعدم حبه لأي مظاهر للأبهة والفخامة.. فقد عاش حياته كلها عملا وجهدا شاقا ودءوبا.

انتهى الاقتباس..

************************

"أجمل شيء على طائرة الرئاسة هو أننا نرافق فيها الرئيس"
هذه العبارة أصابتني بكريزة ضحك هيستيري و كانت هي السبب الأوحد الذي دفعني لإكمال مقال القط حتى نهايته, سامحني الله و غفر لي ما تقدّم من ذنبي و ما تأخر..

...........................................

عايزكم تركزوا في عبقرية هذه العبارة الافتتاحية و في ألمعية كاتبها, عايزكم تتأملوا معي كيف قدح القط زناد فكره ليخرج لنا هذه الكلمات المؤثرة على هذا النحو المبهج المبهر لتجذب انتباهنا و تسحبنا من قفانا لنقف مشدوهين أمام موهبته اللامحدودة, و نبوغه الغير مسبوق على مر العصور..
"أجمل شيء على طائرة الرئاسة هو أننا نرافق فيها الرئيس"
الله.. الله.. أيه الحلاوة و اللذاذة و الذكاء ده يا ميزو القط, جبتها ازاي دي؟؟!! يعني بجد مش ممكن حيخطر على بال حد إن طائرة الرئاسة ممكن يكون على متنها "الرئيس" بشحمه و لحمه, و حتى لو كان موجود مش ممكن يخطر على بال حد إن فيه معاه مرافقين من رجال دولة و إعلامين (من قماشة حضرتك) و حراسة و طاقم و كده..
مستحيل حيخطر على بال حد هذه المصادفات العجيبة و التي لا تحدث إلا في قصص الخيال العلمي: أن يكون هناك طائرة رئاسة!, و أن تحمل طائرة الرئاسة على متنها رئيس الدولة تحديداَ! و أن يتواجد معه (في نفس اللحظة) وفداً من مرافقيه !! ثم تأتي الصدفة الأعظم و هي أن يكتشف أحد الإعلاميين (اللي من قماشة حضرتك) أنه ليس مجرد شيء جميل أن ترافق الرئيس على طائرة الرئاسة, لا يا حضرات, بل هو أجمل شيء يمكن أن يحدث على الإطلاق!!!
سبحان الله, و ما شاء الله, و لا حول و لا قوة إلا بالله..
يعني لو أي حد مكانك كان ممكن يفتكر إن أجمل حاجة على طائرة الرئاسة هو البوفيه أو سندوتشات اللانشون أو القعدة جنب الشباك أو سيقان الأخت المضيفة.. بس انت حد مختلف ما حصلتش و رؤيتك للأمور أعمق أغوط, يا غويط انت يا أروبة..

"طائرة عادية، أعتقد أن معظم خطوط الطيران بدأت تستغني عنها في الخدمة، لتدخل طائرات ركاب متطورة "
وحياة أمي لافقعك مهموز دكر ابن لذين عشان تحرّم تضحكني بالغباوة دي تاني و عشان أكفّر عن ذنبي لقراءة مقالك يا وِحِش..

العبارة أعلاه شكلها بتحمل إسقاط إبن حرام, و أكيد ما كنتش بتقصد الطائرة بل تقصد صاحبها, صح يا لئيم؟
يعني تقصد تقول إن الريس بتاعنا (عادي) قِدِم و هكّع و خلّل و بقى كهنة و المفروض يخرج من (الخدمة) لأن (معظم الدول) بدأت (تستغني) عن قادتها القدامى لتفسح المجال لأصحاب رؤية جديدة و (متطورة)! فهمتك يا نمس (قصدي يا قط) يعني انتا بتزغلل عنينا الأول بالغزل و الدلع عشان نفتكرك بتمسح جوخ و بتكسكس و اتاريك بتنحل في وبرة الراجل الطيب و عايزه يسيبنا و نعيش من غيره متيتمين بعد ما قاد أكبر مسيرة تحوّل في تاريخ مصر الحديث. الراجل الطيب اللي مستحرم على نفسه يركب طيارة عليها القيمة عشان يوفر لنا لقمة طرية, الراجل اللي بيشيل اللقمة من بقّه عشان ناكل و نكبر و نبقى بني آدمين..
إهئ إهئ إهئ (بكاء مصحوب بشحتفة يعقبه حالات إغماء تأثراً و و لاءً و ولعاً, مع خلفية موسيقية من متتابعة "مرثية التشيللو أبو عين إزاز" من مقام دو الصغنن )
ليه كده بس حرام عليك يا ميزو هي دي آخرة الجميل و المعروف و الإحسان!
ولا عشان انت (قط) بتاكل و تنكر؟
بالشفا..

********************

قال "كلام يبقى" قال, هع هع هع (مصحوبة بشخرات زبحلقية الملمس), ده "كلام يبقى يقابلني"
.................

ملاحظة: زهقت و ما ليش نفس أعلَق على باقي المقال الخزعبلي مع إن الباقي لا يقل طعامة و هشتكة بس قلت أخليني في الطيارة كفاية لا مؤاخذة..

يا خي أحه..

عربيات

يا خي أحه..

الشيخ سيد أحلام بيقول هييييييه

بفسر الأحلام
و ببق في الكوابيس
لو جتلك في المنام
أبشر بكره الخميس

هيييييييه

من يومي واد حلنجي
و عارف سكتي
و لجل ابقى البرنجي
حلمّع قرعتي

هيييييييه

عالمحور حتلاقيني
في وشك عالهوا
و بعد ما تلاغيني
حوصفلك الدوا

هيييييييه

لو يوم شفت الخروف
راكب على قطة رومي
أبشر يا ابن المهفوف
جايلك منصب حكومي

هيييييييه

لو يوم رأيت فيه ناس
بتجري وراك في العيد
و انتا من غير لباس
حتحتكر الحديد

هيييييييه

و انتي يا ست هانم
قوليلي حلمتي بإيه
رقصتي عالسلالم
و لا قعدتي عليه

هيييييييه

خير الله ما جعله خير
اسم الله و بعد الشر
عندي كل التفاسير
يا ناس كفاية قر

هيييييييه

كلمني عالمحمول
إحكيلي عن كابوسك
حرد عليك عالطول
لما تجهز فلوسك

هيييييييه

زبايني ناس كلاس
وزرا و فنانين
و الرزق في الأساس
للهبل عالمجانين

هيييييييه

لو يوم حلمتوا بيا
و انا بنفخ البلالين
ابشر يالا إنتا و هيا
حتعيش و تموت بضين

هيييييييه

*********************

يا خي قحّه..

توازن البيان في ترطيب البضان

1

إننا في هذا المنعطف التاريخي سنبقى قلب العروبة النابض و سنتصدى لجميع الهجمات الإمبريالية الشرسة التي تريد النيل من صمودنا و من مواقفنا النضالية الثابتة لتحقيق أهدافنا المصيرية في......

2
يجب على جميع أطراف النزاع التحلي بضبط النفس, و تحكيم صوت العقل, في معالجة التداعيات الخطيرة التي تهدد الأمن و الاستقرار في المنطقة, و لن نتخلى عن دورنا الريادي و الثابت في.....

3
يا جحافل مجاهدينا هبوا من مراقدكم و لقنوا الشيطان الأعظم و قتلة الأنبياء وعدنا الحق, و ليتجرعوا كأس الذل و المهانة و لترتفع راية الإسلام خفاقة فوق أطلال مدائنهم بإذن الله.....



البيان الختامي:

إننا في هذا المنعطف التاريخي سنتصدى لجميع الهجمات الشرسة بضبط النفس و سنحافظ على دورنا الريادي ليعود الحق إلى أصحابه و لترتفع رايتنا خفاقة بإذن الله.

***********************

هامش:

قراءة متأنية للبيان الختامي: (دروس مستفادة)
و النبي و انتا سايق تبقى تخلي بالك من المنعطف لحسن ترشق في عمود النور اياه و يا ريت بلاش تسخن لو حد زملكاوي كسر عليك و شاورلك بصباعه الأوسط عشان تشد معاه في صلاح سالم و يخيشك بعد رجوعك من الاستاد و راية الاهلي بترفرف من شباكك اليمين, لازم تمسك أعصابك, و تبقى كوووول عالآخر و روحك رياضية, الأهلي كسب و ده حقه و رايح اليابان و الحضري حيرقص و النحاس حيبوظ كل الهجمات المرتدة و متعب حيحطها بدماغه في مرمى برشلونة و حنكسب بإذن الله.


يا خي أحه..

الوزير الفنان معتكف...ويرسم

حين يناديني الأحمر

بعد اعتكافه, عاد الوزير المعتكف إلى فرشاته ليبدع من جديد, و ليخرج ما بداخله من انكسارات فيغزلها طيفاً من من سبات الزيزفون المعطر برذاذ قرمزي يتجول بين تباريح العقيق المنتشي بأورجازم بنات الشرانق المسحورة في ليلة تبحث عن قلادة يعسوب بحتضر.
فكانت هذه اللوحة الجديدة, هذه الدرة الفريدة "حين يناديني الأحمر"..

..................

تحديث:
أعلن رسام مغمور يدعى "فتوح الخرم" أن اللوحة المعروضة أعلاه سُرقت من ورشته يوم الاثنين الماضي و هي تحمل إسم "إديني السقط في الحساس" و جاري عمل التحريات اللازمة عشان كل حد ليه حق ياخده لامؤاخذة..

تحديث2:
لا زال الغموض يكتنف النسب الحقيقي للوحة الأزمة "حين يناديني الأحمر" أو "إديني السقط في الحساس" و خصوصاً بعد أن وُجد على ظهر اللوحة الحرفان الأول و الثاني من اسم صاحبها, لكن للأسف بدون (تنقيط) فزاد الالتباس, و سنقوم بموافاتكم بكل ما يستجد في هذا الصدد ترسيخاً لإيماننا بالشفافية و الألماظية و كده..




يا خي أحه..

الشارع بتاعنا لا مؤاخذة

ظريف قوي مشهد الشارع المصري و هو ممطوط زي شبكة من الأستك بين كذا حد, و كله بيشد من ناحية,و بيزود الطاقة الكامنة المترتبة على زيادة المط و الشد داخل الأستك..

الشارع لنا
لأ الشارع لنا إحنا و مش حنسيبه و حنشد أكتر
كفاية منك ليه بكس امكم الشارع بتاعنا إحنا
الآن: مسئوليتنا جميعا أن نشد الشارع, ما تسيب من عندك ياد
ما تسيب انتا يا عرص ده شارع أبونا من قبل ما تتولدوا
إحنا اللي جينا الأول يا متناكين و إحنا اللي مسكنا الأول
شد يا جدع..مط الأستك كمان و كمان..
أهو الشارع بيقرب مننا أكتر..
شد و مط و مط و شد
طراااااااخ

يا خي أحه

أنا يا عمرو (فهمي) على قدّي

عمرو فهمي/ أخبار اليوم

هو من المفترض يا عمرو إنك بترمز (لمصر) بالوليّة اللي شايلة بوكيه الورد (الفوشيا)؟
و لا بترمز (لمواطنة) مصرية بسيطة قد تكون (فلاحة) مثلاُ زي ما جبت (مواطن) مصري بسيط في رسمك الأسبوع الماضي؟
عندي إنطباع إنك تقصد بالولية دي (مصر) زي ما سبقك كثُر من رسامي الكاريكاتير, ساعات يحطوا على دماغ الفلاحة المصرية تاج عليه الأهرامات التلاتة, و ساعات يكتبوا كلمة (مصر) صريحة و يلطعوها فوق دماغها على سبيل (الرمز) و بعيداً عن الهمز و اللمز لا مؤاخذة..
هي مال (مصر) في رسمك طالعة هطلة كده؟ مال ضحكتها بلهاء كده؟ و ليه لابسة (حماها الله) غوايش (بلاستيك حمرا) في إيدها اليمين في حين إن إيدها الشمال متسيّغة بغوايش عيار24 ؟
جايز يا عمرو (فهمي) على قدّي, أصلها ممكن تزيح حبة من اليمين و ترمي الغويشتين العرّه اللي في اليمين, و لا هي عشان (طيبة) لازم تكون هبلة و ما عندهاش ريحة الذوق؟
و لا جايز أنا مش واخد بالي و تكون راسم الغويشتين الحمر على أساس إنهم دهب أحمر يعني, و لا ده اكسسوار فالصو بتاع المسرح و الرسم و كده؟
و اشمعنا صدرها مكور و متين و شامخ كده؟ ده دليل (الأمومة) بحيث تحس إنه حينفجر من كمية اللبن اللي فيه, و لا ايه النظام بالظبط؟
بس تخيل.. لون الروج ماشي طحن مع بساط التشريفة الطويييييل على امتدا السلّم الطويييييل بالضرورة..
بعدين هي واقفة (تحت) و باصّة فين بالظبط؟ اللي قدامي إنها معجبة بالكرافتة المقلمة بالورب..
و إيه أم بوكيه الورد الفوشيا اللي متستف عند محل الورد اللي جنب شيراتون القاهرة..؟
بعدين ليه (الريّس) مش باصصلها و لا معبرّها؟ مع إنها سايبة كل حاجة و متسيغة و متأيفة و مجهزة اللبن و مبستراه في صدرها و رافعة الورد الفوشيا (اللي المفروض بيحمله ولد و بنت صغننين عكاريت, و ما بيبقاش فوشيا), و جاية تستقبل إبنها البارّ اللي وحشها قوي قوي؟
هو الريّس باصص فين؟ و بيشاور لمين؟ و إيه الشياكة دي؟ البدلة منحوتة زي السيف الحقيقة..

يعني يا عمرو يا (فهمي) على قدي: كانت اتخربت الدنيا لو الريس (انحنى) على راس (مصر) و باسها؟
و لا كانت البدلة حتتكرمش لو نزل و خدها في حضنه؟

عمرو فهمي : أنت أسأت لمصر, و أسأت للرئيس, و أيضاً أسأت لفن أحبه يدعى كاريكاتير..
هل يحترمك من يحب الرئيس فعلاً..؟
و هل يحترمك من لا يحب الرئيس فعلاً..؟
و في كل الأحوال,هل يحترمك الكاريكاتير فعلاً!


يا خي أحه..

و الله وحشتنا قوي يا ريّس !

أخبار اليوم (عدد اليوم)

عمرو فهمي

ملاحظة: الفكرة ليست لأحمد رجب. :)


يا خي أحه..

فوزي تحرُّش

المد الشعبي و التلاحم أو الالتحام أو الاحتلام الجماهيري في شوارع وسط البلد باتجاه الفتيات بغرض التحرش هي بكل تأكيد ظاهرة شديدة الأهمية تستحق التحليل بموضوعية بعيداً عن الأحكام المسبقة أو التربص الهمايوني المتشدد.
بعد انتشار الوباء الغامض في بعض المحافظات نتيجة اختلاط الصرف الصحي بمياه الشرب الغير نظيفة, يبدو أن الميكروب فضّل ممارسة عمله في الجهاز التناسلي للرجال بدلا من الجهاز الهضمي, كما أنه أصاب الجهاز الأمني بنوع من السكينة و الوداعة, فتعامل الجهاز الأمني مع الحدث بمبدأ الاستخدام المفرط للتسامح.

و الله ساعات تحرش المثقفات و المثقفين إياهم بعقول الجماهير لأغراض في نفس يعقوب بيبقى أنيل ميت مرة من بعبصة أو تقفيش مواطنة فاضلة في الشوارع و الحارات, التحرش الفكري هو تحرش واع و ليس مغيباً, و ليس انسياقاً جمعياً يأخذ شكلاً همجياً..

نحن قد نبرر ثورات الجياع و همجيتهم حين ينتفضون في جموع كبيرة لسد جوعهم, فيقومون باستباحة كل ما هو خاص أو عام, يحطون و يحرقون و يأكلون حين يصبح هذا الأسلوب هو الورقة الأخيرة بالنسبة لهم.. و ساعتها نلعن الحكومة لأنها تركتهم جياعاً, ثم لأنها بطشت بهم.. و ربما أقمنا التظاهرات و الاعتصامات تضامناً معهم, و تصدياً لفشل الحكومة و من ثم طريقة تعاملها مع (أبناء وطننا الحبيب) من المطحونين و المقهورين..
و قد لا نقبل في نفس الوقت أن تعم الفوضى بهذه الطريقة من انتهاك للمرافق العامة و الخاصة, و ننتظر انتهاء الأحداث الدموية ثم نقوم بعد ذلك (بشجاعتنا المعهودة) بالتظاهر و التحدث نيابة عن (أبناء وطننا الحبيب) و بهدلة أم الحكومة التي أوصلتنا إلى ما نحن عليه! يعني في كلتا الحالتين نقوم بالطبطبة على الشعب المسكين الغلبان.
و قد يختار التيار الإسلامي بين: "و لا تعيثوا في الأرض فساداً" أو " و أعدوا لهم ما استطعتم من قوة" و ذلك بحسب التوافقات السياسية السائدة وقت حدوث هياج الجوعى!

أما عن المد الشعبي التحرشي الأخير, فواضح أن الأمر يكتنفه قدر كبير من العبثية و اختلاط الأوراق و النظريات و الفكاكات..
والسلطة هنا تتجاهل و عاملة ميتة..
و الجمعيات الأهلية و المدنية, وجمعيات حقوق الإنسان, و حقوق النسوان, بتضرب كف بكف لأنها تعودت على الاصطدام مع إنتهاكات النظام, و أهم ما تطمح إليه مزيداً من القدرة على جذب الشارع لتعظيم مصداقيتها و شفافيتها و ثقلها..
فإذا بها في مأزق: يا جماعة فيه انتهاكات بس المُنتهكين ولاد وسخة من الصياع و المنتكهَات فتيات بسيطات مجهولات.. و أما موقف الأمن السلبي فخليه كده أحسن بلاش نسخنه, يمكن يكون جاتله فرّة, بعدين ده مش تخصصنا!
و التيار الإسلامي ممكن يبُق في الظاهرة من ناحية (غياب الوازع الديني) و حتمية (الإسلام هو الحل), بعد تفشي الانحلال و الفساد الأخلاقي.. و سيعتبر موقف الحكومة كموقف الساكت عن الحق الذي هو بالتأكيد شيطان أخرس!
و ناشطين تانيين بيزغرطوا و بيقولوا: دي بداية تحلل و اهتراء النظام خليها تولع بجاز كس ام الشعب على كس ام الحكومة المهم اننا نبقى نشوف حل لتوحيد الهتافات بتاعتنا و اكيد النسوان الناشطات ما فيش خوف عليهم من نزول وسط البلد عشان الأمن المركزي أكيد حيكون موجود, فمافيش هايج جربوع ممكن يشيل بتاعه على كتفه و يخترق الكردون عشان بقفش في إحدى الأخوات من الناشطات. (و الله فكرة لو بنت بتجري من مطاردة المد الشعبي التحرشي ممكن تندس وسط المتظاهرات مخترقة كردون الأمن و تقعد تشتم في النظام و مش مشكلة يعني تتلسع طيزها بهراوة الأمن, أهو قضا أخف من قضا)

نطالب بنظام قوي شديد القسوة و الحزم و شديد الديمقراطية! نحن شعب يريد بلح الشام و عنب اليمن.. و مانجة مصر!

شفتوا بقى إن فيه حد غاوي تحرش اسمه" فوزي تحرش"؟ مرة يتحرش برغيف عيش, و مرة بصدر فرخة, و مرة بصدر فتاة غلبانة, و مرة أخرى يتحرش بعقول الناس..
الله يخرب بيتك يا فوزي و يخرب البيت اللي جنبه كمان..

ملاحظة: قريباً حكتب عن (تحرش الحريم بالذكور) لو ربنا أعطانا عمر..


يا خي أحه