الاثنين، أكتوبر 16، 2006

فين الزرار؟ 12130 نايلسات في الكازوزة

ملاحظة: يقرأ بعد الإفطار
رمضان كريم




بعد مرور أكثر من ثلثي حلقة الشاعر أحمد فؤاد نجم (الفاجومي) في برنامج (أكيد أكيد مايسترو) للإعلامي اللبناني اللهلوبة (نيشان) و الذي يبث على الهواء من تلفزيون (الجديد).. فوجئ المشاهدون بقطع البث الفضائي عن الحزمة الترددية التي تضم هذه القناة بالكامل و هي تشمل إضافة إلى هذه القناة, قنوات أخرى مثل المنار و LBC و روتانا و غيرهم. و بعد انقطاع البث لمدة نصف ساعة تقريباً, عادت الأمور إلى طبيعتها بعد بضعة انقطاعات و تم استكمال الدقائق المتبقية من البرنامج.
من تابع الحلقة أدرك أن شيئاً ما سيحدث.. بسبب سخونة و فجاجة و بذاءة ما تفوه به عم نجم, حيث تحول الحوار إلى قعدة في غرزة.. و لم يرحم أحداً من سلاطة و وساخة لسانه و فتح عالسادس, بدأً بروبي وصولاً إلى رئيس الجمهورية و قرينته مروراً بمن سبق و من سيلحق..
الفاجومي كان معللي (الدوس) أكثر من أي مرة خلت من لقاءاته التلفزيونية في الفترة الأخيرة, و بدا (مستبيع) بشكل مختلف هذه المرة..
و استخدم كلمات مثل طيز و بزاز و ابن كلب, كما شخر اسكندراني.. بس إحقاقاً للحق, الراجل ما قلش "يا خي أحه" و لم يعرج إلى قاموس الأعضاء التناسلية (مش عارف ليه).

مش هو ده موضوعنا, بغض النظر عن عبقرية و إبداع و صعلكة و وساخة لسان الفاجومي.. و بغض النظر عن حبي له و اختلافي معه أحياناً كثيرة..
مضى وقت طويل لم أضحك فيه من قلبي بهذه الطريقة, مع كل كلمة أو عبارة كارثية كانت تخرج من فمه, جو الغرزة كاسر التابوهات, تذكرت محمود عبد العزيز في فلم (الكيت كات) حين قام ببث ثرثرة الناس من خلف الجدران إلى مكبر صوت جهوري لتجلجل الأسرار و الحكايات و لتصدح النميمة و ينكشف كل المستور..
كنت أتمتم و أنا أتابع لقاء نيشان مع عم نجم بعبارات مثل: الله يخرب بيت جنانك و حياة أمك منتا مروّح, أحه يا نجم شكلك لافف لنيشان صاروخ مغربي خلاه (مستكيف) من أم كلامك, نيشان نسي أنه عالهوا من كتر (الهوا) و الهبو الله يخرب بيوتكم حتقفلوا المحطة!
و عند هذه الكلمة (المحطة) و بدون مقدمات اختفت المحطة و انقطع البث.. و توقف البث على حزمة التردد 12130 رأسي (آه يا رأسي)
انفجرت في ضحك هيستيري: أحه يا نجم دي ما حصلتش في تاريخ القمر الصناعي المصري يتقطع البث عن أي محطة حتى (الجزيرة) عمرها ما اتثبتت!

كنت أتخيل ماذا يحدث في وزارة الإعلام و (مراكز صنع و اتخاذ القرار) و بالطبع مركز البث الرئيس للقمر المصري نايلسات:
هرج و مرج و تخبيط, و ناس بتجري و ناس بتتكعبل, و تلفونات من شخصيات (كبيرة طحن), و سفراء الدول العربية التي أصاب حكامها نصيبهم من (سقسقة) نجم, إوقفوا البث يا ولاد القحبة فين أم المهندسين؟ طيب فين الزرار؟
و اقترح أحد الأذكياء الاستعانة بدولة عظمى لضرب القمر الصناعي بصاروخ كوكبي لوقف كارثة نجم عبر الأثير و طبخ الحادث على أنه تكتيك جديد (للقاعدة) لإسكات محطات الفيديو كليب و التي هي رجس من عمل الشيطان!
لكن ذكياً آخر أشار إلى ضرورة قصف مقر قناة الجديد في لبنان, بحيث يبدو الامر على أنه استكمال طبيعي لجولة أخرى من حرب لبنان..
الوقت يمضي و الحوار يزداد كارثية.......
المضحك أن( التردد) في كبس زر قطع بث (التردد) بدا واضحاً, لأن استمرار البث هو مصيبة, و قطعه فضيحة, فضيحة في حق شركة النايلسات و الدولة نفسها, لأن هناك اتفاقيات و شروطاً شديدة التعقيد تنظم العلاقة بين النايلسات و بين المحطات المستأجرة, و أعتقد أنه لا يجوز قطع البث دون إجراءات قانونية, حيث أن الأمر يختلف عن قطع (الوصلات) الغير شرعية في قرية أبو زعبوط بقوة القانون و الشيخ صالح كامل و فتوى الداعية عمرو خالد (اللي يدخل بيته وصلة غير شرعية يبقى حرام عليه) و خصوصا لو الوصلة او السلكة كانت عريانة لامؤاخذة.

على أي حال رجع البث بالسلامة بناء على صوت العقل و الحكمة, و رغبة في عدم (اهتزاز) الصورة الإعلامية لهذا الصرح, و حفاظاً على مناخ و هوامش الحرية, و احتراماً للاتفاقيات و الأعراف التجارية الخ...

و سيتم نشر الخبر كالآتي لاحقاً في الصحف الرسمية:

"عطل هندسي مؤقت في إحدى حزم البث الرقمي للقمر الصناعي المصري نايلسات"
"كفاءة المهندسين المصريين أعادت البث في زمن قياسي"
"ارتطام أحد مجسات القمر الصناعي بنيزك نونو هائم على وجهه و إصلاح العطب باحدث التقنيات"
"إمارة موناكو تشيد ببراعة المهندسين و الفنيين المصريين في سرعة إصلاح عطب النايلسات"


و ستجدون خبراً آخر بعد يومين:

"مصرع الشاعر أحمد فؤاد نجم بسبب ارتطام (النيزك النونو) الذي ارتد من ارتطامه بالنايلسات ليصيب الطائرة التي كان على متنها الشاعر و القادمة من بيروت في طريقها إلى القاهرة"

ياخي أحه..

18 تعليقات:

Sherif Nagib يقول...

يا خسارة فاتتني الحلقة !
بس وصفك للموقف الكابوسي للمهندسين و ترددهم جعلني أنفجر في الضحك، و خصوصاً النيزك :)

إنت جبتها من الأخر يا عزيزي.. نجم صعلوك :)

محمد النقيب يقول...

فقري يابني ضحكتني وانا مليش نفس..
رمضان كريم

khalid jarrar يقول...

omh i cant believe this really happened!

so glad to see you posting again:)

welcome back:))

غير معرف يقول...

ههههه مسخرة
حلوة يا زعيم

تمر حنه يقول...

هل هلالك .. هل هلالك
مانا عارفة ان الجدع ده بيزن على خراب عشه
فاكر لما قال :
يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه
كان مسطول !
و مع ذلك عدى منها - بس أظن النوبة دى يابو الليالى مش هتعدى بالساهل و اللى هايلبسها برضك سفاح بنى مزار : العثور على جثة البتاع أحمد فؤاد نجم مسجاه فى أرضية بتاع و قد قام الجانى بنزع كل بتاع من البتاع و تم القبض على البتاع و تسجيل أعترافاته
أما بالنسبة للبتاع نيشان فقد تم احالته للملاهى للعب فيه و اللى ينشن عالمظبوط فى البتاع يكسب بتاعتين و بتاع ودبدوب
و زى مانت دارى يا هرم ان الست روااايح بيضه و بضه

AHMAD يقول...

يخرب بيت دماغك يابو الليل

تعليقاتك ملهاش حل

انا ملحقتش الحلقه من الاول

بس نجم بدع بجد

مسابش حد مروقش عليه

ربنا يرجعه بالسلامه ويكفيه شر النيازك

تحياتي ياكبير

علان العلانى يقول...

عودا حميدا أبوالليل
ومن يكتب عن أحمد فؤاد نجم مثلك أبوالليل فنصوصك الساخره تنهل من نفس النبع الذى ينهل منه ومن قبله كان ينهل منه عبد الله النديم ومن قبلهم فى فجرالتاريخ كان الفلاح الفصيح الذى لم يجد لفرعون وجنده انجع من السخرية
حفظك الله وأدام عليك القدرة على صنع الابتسامة فى زمن حزين

غير معرف يقول...

حمد الله على السلامة يا أبــــو اللــــيل
بجد بتوحشنا قوى ماتغيبش علينا تانى كتير كدة

غير معرف يقول...

alf million 7amdellah 3a salamah ya negam, wallahy ya abu el lel enta astory kateb astory begad, ana sa3ed en fe gelna tel3 zayek wa akeed menek keter bass mfesh forsah 7ad ysm3hom, enta mdeny aml yabny f3lan rbna yeshfek wa ybareklek wa tefdl tmt3na bektabtek 3ala towl..

begad ana sa3ed beek

ROMIL يقول...

جود بلاي يا أبو الليل

CAESAr-DIABLo يقول...

يا خسارة أنا مش شوفت الحلقة .. بس بجد انت عبقري وصفك للحالة بجد رائع هههه ..بس تعرف ليه هو عمل كدة .. ده في تقديري يعني ..علشان ناس كتيير قوي عاتبوه علي اللقاء بتاع مني زفت دي

amr el hwary يقول...

أية يا ابو الليل ؟ أنت فين يا عم بس
عملت أية فى عينك طمنى ؟
وحشتنى أنظباعاتك عن الحاجات اللى باضنة جيل بحالوة

Duke يقول...

قشطة يابوالليل

كسم الفيل ابو عين ازاز

SPRING يقول...

شخير اتلم على أحاوي ، النتيجة كوكتيل شخرستان معتبر
المهم اخبار عينيك ايه طمني

SaSo يقول...

ياراجل امتى ده ,مشوفتش
بس حتى لو كنت شوفت مكنتش هضحك زى ماضحكت على وصفك ده

shoowbash يقول...

قعلاً قطع البث حاجه مش سهله خالص
لانها بتخضع لقوانين دولية صارمة
لكن ولان الحكومة بتاعتنا ما يقوفش قداما حاجه ابدا
بيبقوا جاهزين بلحجه زي ما وضحت كده

وممكن كمان يقولوا اصله المهندس اللي قطع البث مضطرب نفسياً زي بتاع بني مزار كده
ههههههههه

7arnkash يقول...

مرة كنت بتفرج علي برنامج القاهرة اليوم ايام ما كان ايمن نور في محبوس - اول مره اتحبس فيها - وكانت جمليه اسماعيل موجوده
ولما قالت اللي بيحصل في حق جوزي ده ميشرفش سيادة الرئيس
الدنيا في الاستديوا اتقلبت - طبعا البرنامج عالهوا - وفجأه لقيت فاصل بدون تنبيه - وصوت نيرفانا طلع وقالت دول كده هيقطعوا علينا البث

انا الحقيقه مش عارف قطع البث ممكن ايه اللي يبرره
لكن فعلا الموضوع بيبقي فضيحه اعلامية
علشان كده بيخادو بالهم
وده ميمنعش انهم عندهم اجابه علي كل كلمه زي - عطل فني - او غيرة

naso يقول...

انا والله بقول ان الشاعر ده بيقول كلام واقعى جدا بس هو متربى فى بيئه شعبيه وعلى رائى المثل كل إناء ينضح ما فية يعنى عايز ايه من من بائع فجل عايزينة يتكلم فرنساوى ويبقا سفير النوايه الحسنه كل واحد تبع تربيته العيب مش منه العيب من القناه الى جيباه جيبه حد مفيد احسن من ده هى الدنيا باظت من قليل وقال ايه زعلانين جبتوه لنفسكم وعادى على رائى اصاله