الخميس، أكتوبر 26، 2006

ضراما رمضان

حضرة المتهم غبي:

مستر "عبد الحميد براز" بيدور على الواد الطويل الاهبل ابن المُعلِّف (المؤلف) طول المسلسل و أمه بتعيط على طول و عرض. إنتا فين يا ابني, رحت فين يا أحه (يا أحمد)؟
المهم إنكم يا سيادة المشاهدين الأكارم تكونوا فهمتوا و استوعبتوا الرسائل و القيم السامية و المثاليات و الدروس المستفادة اللي نحتها عبقري زمانه "زُلال عبقوي" و أخرجتها (الحلقات مش الككاه) هباب حسين و جسدها الفنان الكبير "بور الشريف"

حقك على بضاني
يا بني العبيط ياني
لجل الوفا بديني
نيك فيا تاني كمان

********************

سكِّة الهلالي

بعد انتهاء المسلسل نهاية شبه منطقية من الناحية البشرية قرر يوسف معاطي أن يصبح يوسف مِطاطي بإضافة حلقة أخرى للتكفير عن جرأته و كسر تابوه سياسي (و لي تحفظي على المعالجة) بأن قرر ألا يخرج عن ركاب نهايات الثواب و العقاب التقليدية (تحول اللحظة الأخيرة), و أهم حاجة إن عايدة رياض رقصت في الآخر و الأشيا بقت معدن و كده..

فين الديكور؟ و فين الإضاءة؟ و فين الإخراج؟
محمد فاضل: (فاضل) أيه تعمله بعد (الإخراج)
يوسف معاطي: لو كنت حولت النص لكوميديا صريحة يمكن كان الأمر أختلف.. و أكيد محمد فاضل يتحمل معك المسئولية..
يحيى الفخراني: حترجع للفن إمتى؟

أجمل ما في المسلسل: أغنية تتر النهاية لأيمن بهجت قمر (الروح الساخرة و الجو الكوميدي اللاذع) و التي كان يجب على المسلسل أن يرتشف من هذه الروح في المعالجة الدرامية من الأساس بدلاً من الهرتلة و ركاكة الحبكة..

********************

سوء الخضار:

ملحمة ضرامية لا مثيل لها و خصوصاً فيفي و هي بتقول: أم حمدتشي (أم حمدي يعني).. الله يخرب بيوتكم يا بعدا..

********************


حدائق الشيطان: (تحليق خارج السرب).. (دراما مش ضراما)

محمد صفاء عامر
إسماعيل عبد الحافظ
جمال سليمان
عمار الشريعي
(كل فريق العمل):

هذا ما يطلق عليه إبداعاً..
احترمتم عقولنا و أحببتم عملكم , فاحترمناكم و أحببناكم..

جمال سليمان:
قدمت درساً في الاختيار و في أعلى درجات الصدق و الإبداع, و قدمت درساً قاسياً جداً لعتاولة الدراما الذين ترهلوا ترهلوا ترهلوا..
بس روح يا شيخ منك لله النسوان حتموت عليك, وزي ما رجالتنا بهدلوهم بسبب هيفا و نانسي, جه اليوم يا ولداه اللي نتعاير فيه أننا مش شبهك!!
أنا قررت أزرع حشيش في البلكونة و أربي قطة بلدي مجرمة و صوتها أجش بدل الغولة (سموها غولة عشان هي في الحقيقة لبوة بس ما يصحش نقول الشعب خايف من لبوة) و حسميها "بلكونة الشيطان" , لعل و عسى النسوان ترجع تحبني زي مندور أبو الدهب..



يا خي أحه

15 تعليقات:

Mody Rap يقول...

بيني و بينك يا ابو الليل انا مكنتش متابع العمليه التلفزيونيه في رمضان السنة دي لأني معنديش دش بالاضافه اني مبضون من ايام رمضان اللي فات

بس سمعت ان المسلسلين الاولنيين كانو بضان سلاحف النينجا .. و خير اني متفرجتش

ابقي عدي بص علي مدونتي كده في الزحمه يا باشا

سلامورتا

Tarek يقول...

فعلا مسلسل سكة الهلالي كان المفروض يخلص بدري حلقة ... الحلقة الأخيرة عاملة كإنها متلزقة في الأخر لزوم الهابي إندنج

بعدك على بالى يقول...

والله انت اشفيت غليلنا وبجد ماكانش ينفع يتعلق على المسخرة دى الا بالطريقة دى ...

أحيييييييك جدااااااااا

adhm يقول...

تظل معظم الاعمال الدرامية التلفزيونية
تحت عنوان_ ِتبن المشاهد_ الى ان يثبت العكس
وغالبا لا يثبت ابدا
وكمان انا مستغرب جدا من الاخ فاضل ازاى عارف يخرج من غير ست الحسن والاوان وسلطانة الزمان وطبق الرمان وخليفةاودرى هيبورن وكلوديا كالدينارى وشيفر
وستيف اوستن _الست المصونة سوزان عبحميد
اقصد فردوس عبحميد
ولامتى سنظل اسرى تجارب العائلات فى التمثيل
من فاجعةاخو الهام شاهين الى ابن جلال عبقوى الى ابن صلاح السعدنى الى ابن احمد ماهر الى ابن سماعين عبحافظ
الى بنت سمير غانم الى بنت فريد شوقى الى بنت محمود ياسين الى ابن محمود عبعزيز
وعلى فكرة بمناسبة فاضل وفردوس يقال ان فاضل كان مصمم يدى دور عبد الناصر فى فيلم ناصر 56 الى فردوس عبحميد لولا بعض المشاكل الفنية التى منعت هذة الكارثة حيث رفضت فردوس تركيب مناخير مشابهة لمناخير ناصر
فاكتفت بتشوية_اقصد تمثيل_ دور تحية عبد الناصر وللة الامر من قبل ومن بعد
-----------------
كل سنة وانت طيب يا ابوالليل
متأخرة اة
من القلب
نعم

adhm يقول...

معلش يا ابوالليل نسيت ابن الكلب
he who must not be named

كريم يقول...

قشطة عليك يا معلم

Sherif Nagib يقول...

إنت يظهر فاتك التقيل يا أبو الليل، مسلسل سهير رمزي التي من الواضح أنها قررت تعويض سنين الغياب كلها في عمل واحد، من متابعتي الغير منتظمة للمسلسل وجدت أنه يناقش و يتعرض للمشاكل التالية.. و أقسم بالله العظيم إني مش بافتري عليهم و لا بابالغ.. خد عندك :

- الزواج العرفي و العلاقات بين شباب الجامعة.
- الاغتصاب.
- صراعات رجال البيزنس.
- الخيانة الزوجية.
- المحلل.
- أكل مال اليتامى.
- الحمل السفاح و الاجهاض.
- الإنتحار.
- شهادة الزور.
- زواج المصالح.
- المال الحرام لا بد و أن يضيع في حرام.
- الأطفال من أم يهودية و أب مسلم (بثينة رشوان بعد زواجها من مصطفى فهمي طلعت إسرائيلية و أسلمت في أخر حلقة.. ياخي قحّة ! )
- زوج الأم و علاقته بابن زوجته.
- سرقة الأعضاء البشرية.
- التطبيع التجاري مع إسرائيل.
- التطرف الديني و جماعات الجهاد.
- تنفيذ الأحكام عرفياً بدون الرجوع لولي الأمر.
- الرسوم الدانماركية !

و غيرها الكثير من المشاكل التي لم يتسع المجال لذكرها :)

علان العلانى يقول...

رغم أشفاقى على عينيك من هذا الأذى البصرى الا إننى أدرك أهمية الشرب من نهر الجنون إذا كان هذا هو شراب /سراب المدينه ولأن كانت الدرما هى بشكل أو بآخر نتاج لمحيط وفضاء عام وخطاب سائد فى حالة عقم إبداعى ليس بسبب عدم وجود المواهب أو النصوص أو الكوادر ولكن بسب غياب الرؤية فى الأساس فما ترى هو حدود الإمكان لواقع فاقد للوجهة مشوش الذاكرة عقيم الهدف مزعزع الخطى ، وفى محيط هذا الواقع ما الذى يجعل الدراما تخرج من تلك الدائرة وبأية سلطه لقد كان هذا واضحا لكثير من المبدعين منذ أواسط السبعينات ومنهم من دخل فى دائرة اكتئاب بطيئة قضت عليه فعلا ومنهم من خنق الواقع وشروطه أبداعه وبعيدا عن الجذور التى تحمل تلك الركاكة الدرامية فالعجيب ليس ما يحدث فى الدراما المصرية فبشكل ما هى الأن فى طور الصناعة الرديئه وقد يتحمل رصيدها الإبداعى مراحل الأنتقال ،ولكن العجيب أمر الدراما السورية فها هى تسقط بالضرية القاضية الفتية أمام دولا رات /ريالات آلة الأنتاج الخليجى وها هو خالد بن الوليد يقدم وكأن واضع السناريو والمعالج الدرمى له هو كاتب خطاب بابا الفتيكان ، ودعاة على أبواب جهنم تشعر أنه من أخراج الشاعر دونلد رامسفلد( الذى له ديوان شعر بالفعل) وها هو صلاح الدين وصقر قريش يفضل تجارة المخدرات فى حدائق الشيطان على أن يكون أحد الدعاه على أبواب جهنم .

أبو الليل يقول...

شريف نجيب

يا نهار اسود ايه أم الهبل ده! أنا شفت سهير رمزي مع نيشان في برنامج (أكيد مايسترو) و كانت حاطة مكياج كامل و اتبضنت لما سألها: صحيح إنتي خدتي 7 مليون دولار من عشر سنين عشان تعتزلي؟
تخيل ردت قالت ايه؟
قالتله لا طبعا ده مش صحيح, و بعدين أيه يعني 7 مليون دولار! منا لو كنت كملت شغل كنت جبتهم (الفلوس) كذا ضعف, ثم إيه يعني 7 مليون دولار في الزمن ده !! يا خي سبع قحات

علان العلاني

أيها العزيز الجميل, بالفعل أحزنني سقوط الدولارات للدراما السورية و أتفق معك تماماً في غباء المعالجة الدرامية لمسلسل خالد بن الوليد و الذي جاء في توقيت حرج, فكنت أضرب أخماساً في أسداس! أتمنى أن تتجاوز الدراما العربية هذه المساخر ذات يوم

أدهم
الله يخرب شيطانك, فردوس كان لازم تاخد دور منه شلبي عشان المصداقية
و انت طيب
:)

تحياتي للجميع

غير معرف يقول...

بس فيه حاجة يا جماعة نسيتوها وهي الملابس بتاعة الحاجة سهير رمزي اللي عقدتنا من كترها كل دقيقة تلبس طقم وتزلنا بيه حراام الناس مش لاقية قوت يومها والهانم سهير رمزي شغالة قلع ولبس طبعا ما جوزها من كبار رجال الأعمال في مصر، وكمان الواد التنح ابن المنتج اللي أسمه حسام اللي ضحك على بنت الدكتورة روح عليه شوية غلاسة مشفناهمش

قلم جاف يقول...

حمد الله ع السلامة ..دة أولاً..

ثانياً .. أختلف معاك بالنسبة لحدائق الشيطان وبشدة ، إيه معنى استخدام الغولة بالشكل الساذج دة كرمز كما لو كنا قاعدين في مسلسل أطفال؟

ولما تقرا جريدة من بر الشام أو تشوف ويب سايت تلاقيهم فرحانين قوي بالإنجاز الخيالي اللي عمله جمال سليمان انه انتزع بطولة مطلقة من بين أنياب العلوش الأوغاد الممثلين المصريين ، وتهون كل العباطات اللي احنا شفناها فيه من الست أمنا الغولة ، لغاية لغز مندور أبو الدهب الفرداني ، والمعروف إن الصعيد عائلي جداً ، وكل واحد من الطواغيت دول له عيلة كبيرة تاكل الحديد تاكل الزلط..

وبعدين ومعلش في دي الكلمة ، البيوت في الصعيد ما هياش مرتفعة قوي عن سطح الأرض ، والفيلا دي شفناها خمسين ألف مرة في مسلسلات قبلي وبحري ، ديكورات "عيانة مولة" وعايزيننا ننافس الدراما السورية.. بلا فقع..
والمذهل في المسلسل دة وغيره تلاقي الصعيديات حتى في قلب بيتهم لواحديهم من غير ما راجلهم يكون معاهم حاطين فول ميك أب.. مش ممكن!

الصعيد البعيد عن الحكومة فيه مشاكل أهم من مشاكل الرومانسي جداً مندور أبو الدهب ، وضربات الثأر الترجيحية!

فيه مسلسلات تانية لا تقل بشاعة ولا غباء عن اللي قلته في تدوينتك .. من ضمنها مسلسل أحلام مش عايزة تنام .. للست إلهام شاهين .. اللي اتفقعنا منها ومن سي رشوان توفيق هوة الآخر..مسلسل "غامق" وكئيب طحن على حق!

يوسف معاطي كان ممكن يقفل المسلسل بتاعه "سَكة الهلالي" من الحلقة قبل الأخيرة .. لكنه يا عيني ميعرفش الفتح الأول ولا التسليك!

فيفي عبده مدية وشها بوية بينيتون كولور ، مش واسعة شوية دي على بياعة في سوق الخضار؟

ولا كرنفال ألوان الست سَهير رمزي.. مش ممكن!

الحمد لله اننا اترحمنا من مجدي صابر ، الراجل دة في مسلسلاته خصوصاً أين كلبي بيناقش عشرات القضايا في وقت واحد زي ما تكون منزل على جهازك لينوكس!

أبو الليل يقول...

قلم جاف
الله يسلمك
أنا حبيت مسلسل حدائق الشيطان (شروة واحدة) و كنت بتابعه من زاوية المشاهد بعد أن عقدت اتفاقاً ضمنياً مع العمل بعد مرور عدة حلقات, و لم يقلقني موضوع الغولة, و لم أعتبره سقظة, فأنا أمام (حكاية) ممتعة و متعوب على حبكها بأدوات الدراما التلفزيونية, و جمال سليمان كان ركناً أساسياً من استمتاعي بهذه الحكاية (حتى و ان بدت تقليدية),باقي المسلسلات اللي أشرت ليها انت أنا ما تابعتهاش و حط عليهم السندريلا و العندليب وكده.. متفق معاك في باقي ملاحظاتك
تحياتي

طووووظ يقول...

لا يابو الليل .. فلتت منك حكايه حدائق الشيطان ... دى ولا حديقه الأزهر يا سيدنا فى عز زحمه العيد

الأخ جمال سليمان على عينى وراسى بس كان بيتكلم كأنه فلاح من أقاصى
... السويد... القصه معاده و مكرره
سيبك أنت مفيش أجدع من تامر و شوقيه

و كس أم الفيل أبو عين أزاز

Duke يقول...

انا ريحت نفسى يابوالليل من الموال الاسود ده ومتفرجتش على اى مسلسل

كسم الفيل ابو عين ازاز

الشاعر الباكى يقول...

موقع جميل بجد وبيدل على حرية الرأى فى المقام الاول لك تحياتى