الاثنين، ديسمبر 18، 2006

دُمْ دُمْ تك.. دُمْ دُمْ تَكْ



دُمْ دُمْ تك.. دُمْ دُمْ تَكْ

بين الحِيرَهْ.. و بين الشكْ
تحت المخلب.. جُوَّه الفَكْ
والمعدَن .. ده عليه الرَّكْ

دُمْ دُمْ تك.. دُمْ دُمْ تَكْ

لمّا ضِفْرُه.. جِلْدَك حَكْ
لمّا فْرِحْتْ.. بخِتْم السَّكْ
زَنَقَك هُوَّهْ.. فِ خانْةِ اليَكْ

دُمْ دُمْ تك.. دُمْ دُمْ تَكْ

إفْضَلْ فَرْخَه.. و قول بَك بَكْ
أو إسْتَحْمِل.. وَجَع الدَّكْ
لو مِشْ عاجْبَك..بطّل عَكْ..

دُمْ دُمْ تك.. دُمْ دُمْ تَكْ

.................................

نسيت أقوللك يا فوزي:
ما فيش حاجة من غير تمن يا فوزي..
إنت اللي بتجيبه لنفسك يا فوزي..
مش قلتلك ميت مرّه يا فوزي.. إن السلف تلف و الرد خسارة يا فوزي؟
خسارة يا فوزي..
خليك معكوك في "الدعم اللوجيستي" يا فوزي..
:)
...............................
يا خي أحّه..

18 تعليقات:

Utrechty يقول...

لأ بصراحة يا ابو الليل البوست ده مش اد كده
انت مستواك اكبر من كده بكتير
عموما علشان بنحبك فمن حقك تحدف علينا كل شوية بوستات من دول، طالما بترجع قواعدك وتعلي المزاح يا صاحب احلي احا فى الانترنت

adel يقول...

جااااااامد
:))

أبو الليل يقول...

Utrechty
معلش يا عزيزي لو ينفع كنت شلتلك البوست خالص
:)

غير معرف يقول...

salam le agd3 abu aliel

ana mosh 7a2dar a2ol 3`eer anak

sha7`s mobher gedan

we fe antzar bostat menek

Gid-Do - جدو يقول...

ابو الليل

مية مسة على الدوم دوم تك الكويسة
مساء الخيـــــــــــــــــــر

جيفارا يقول...

بطل ( عك ) انت يابوالليل وارجع لمستواك

أبو الليل يقول...

جدو
صباحك فل يا غالي
دم دم تك
:)

جيفارا
ما عنديش مارشدير يا يا رفيق

مجهول
نورت المطرح

نبيل يقول...

دايماً متجدد
قريت الأغنية أكتر من مرة و الكلام موزون موزون و عالي بجد
ربنا يبعدنا عن الدعم اللوجيستي و يريحنا من المعونة
يا ريت كل الزعماء و أشباههم اللي باعوا القضية و فاكرين ان التحالف مع الشيطان حيخليهم أقوى يتنبلوا و يبطلوا العك و التبعية
الله ينور

ابو الاخلاص المصري يقول...

خلي بالك يا ابو الليل
الواد جيفارا طلع مرشد ويستفزك علشان تغلط وبيقول انه تقريبا فرب يعرف اسمك الحقيقي يا بلبل .. يعني دلع ابو الليل

دعاء يقول...

دم دم تك
:)
اللي ما يطول العنب حامض عنه يقول

القصيدة حلوة موووووت
مستوى ايه بس اللي بتتكلموا عليه!

اجمل تحية يا بو الليل

غير معرف يقول...

بين الحِيرَهْ.. و بين الشكْ
تحت المخلب.. جُوَّه الفَكْ
والمعدَن .. ده عليه الرَّكْ

صدقت يا رجل بالفعل الرك عالمعدن و الناس معادن

محمود الشربيني

sandra alex يقول...

Go abo el leil
enta ostaz we ra2ees kism
great song
:)

إيلام يقول...

واحشني كتير يا زعيم
و الف حمد الله عالسلامة
ايه الجمال ده يا بو الليل القصيدة جامدة و دماغ متكلفة صحيح
طول ما فوزي بيهرتل لازم ياخد على دماغه
اديله ما ترحموش

و بيب بيب أهلي

غير معرف يقول...

شفت تكون أبو الليل أو أم النجوم أي دور هيخنقك في النهاية
بقى أنت هارب من الحقيقة وعامل أبو الليل تلاقي ناس تحاسبك وتقولك أنت ومش انت
معلش ما تزعلش منهم تعودوا الحبسة داخل الأدوار هكذا قولبت عقولهم
ومش انت بس دي حتى الأقدار حيروها كما يقول العقاد
ومين اللي كان بيغني ولا عجبه كده ولا كده
وبالطبع الدعم اللوجستي يخنق أهلنا ويتحسب علينا وهو في معظمه يذهب أجور خبراء يوردوهم للمشاريع المدعومة
ومع ذلك تبقى الناس معادن
سكينة

جيفارا يقول...
أزال أحد مشرفي المدونة هذا التعليق.
spellz يقول...

I like ur posts:D... Although I cant Like the a*a thing

but everything u post here is awesome

غير معرف يقول...

ابو الليل
متزعلش من الناس اللى موش فاهمه حاجه

أبو الليل يقول...

أستمتع بالكتابة..و قد يحدث (رنين التواصل) و قد لا يحدث,التعليقات مساحتكم أنتم و ليست مساحتي, مساحتي في التدوينة ذاتها
احترم رأيكم و نقدكم, و لا أفقد محبتي للكتابة أو لوجودكم

تحياتي