السبت، ديسمبر 23، 2006

طاقية فوزي على راس السنه


... المهم فوزي لبس طاقية الإخفا و لف سيجارة و عدّى على القهوة اللي متعود يقعد عليها مع صحابه, و سمع بودنه كلام زي الزفت عمره ما توقع إنه يسمعه من أعز صحابه: فوزي ده شخصية وسخة, ده بني أدم زبالة, ده واد نتن ابن قحبه...... بعد تجاوز الصدمة, فوزي قلع الطاقية و واجههم باللي سمعه, قالوله: محنا عارفين انك كنت لابس طاقية الإخفا و بتراقبنا, هو انت مش ناوي تستحمى يا فوزي؟ فوزي طلّع المسدس من جيب السويتر و طاخ طاخ طاخ خلّص عليهم واحد واحد..... و قبل ما يتعدم بيوم لبس طاقية الإخفا و خرج من السجن بالبدلة الحمرا, و سهر ليلة راس السنه في كباريه محترم, بعدين اشترى ورد و حطه على قبور أصحابه و قعد يبكي لحد ما خلصت دموعه, الوقت كان متأخر و الدنيا كحل و الجو تلج, و باقي عالفجر ساعة.... فوزي حس إنه محتاج يشرب حاجة سخنه, سمع صوت من بعيد بيقوله: تسلفني الطاقية خمس دقايق و تاخد بق شاي يا فوزي؟ فوزي رد: خليهم بقين.. صمت الصوت قليلاً ثم قال: مش حنختلف, إخلص يا فوزي..
فوزي قلع الطاقية, و في لمح البصر اكتشف إن البوليس محاصر المقبرة من كل حته و طاخ طاخ طاخ.... جسم فوزي اتخردق من الرصاص, و تحول لون بدلة الاعدام من الأحمر إلى الأبيض..... غفر الله لنا ذنوبنا و أدخلنا فسيح جناته.

انتهى
.......................................

فقرة اختيارية (غير إجبارية):

الدروس المستفادة:

لازم نستحمى.
لازم ما نشربش حشيش.
لازم ما نقلعش طاقية الإخفا.
.............................

يا خي أحه..

24 تعليقات:

غير معرف يقول...

لازم نستحمى طبعا بس فى الشتا دا مش لازم كتير
بس مش لازم منشربش حشيش فى الجو دا لازم نبقى فى حاله continuse 7asheshezm
$ Soultan $

محمود عزت يقول...

ههههههههههههههههههههههههههههههه
إيه يا عم الإبداع الحداثي ده !
ده إنت غلبت ماركيز يا أبو الليل
حلوة !

Ahmed Shokeir يقول...

من ضمن المورالز كمان يابو الليل

مانحطش ورد على قبور اصحابنا اللي كنا فاكرينهم اصحابنا

طالما مساومة كلمة الشرف ماتنفعش لازم ناخد ضمانات حقيقية

نفهم من كده ان فوزي مش هاظهر تاني ولا هو بسبع ارواح ؟

Mody Rap يقول...

نفسي اعرف مين فوزي ده اي ابو الليل ههههههههههه

بس كان المفروض يستحمي عشان يموت شهيد

غير معرف يقول...

القيم مترابطة في الحقيقة أنت لو شربت حشيش هتنسى مكان طاقية الإخفاء ويمكن تنسى تلبسها كمان, ولو ما استحمتش الريحة الناتجة عن الانفعالات الشديدة والتعرق والهرمونات هتفضح مكانك وتفقد طاقية الإخفاء دورها ما أنت عارف كل الناس بتشم
لكن لا شك أن القيمة الأهم أنك ما تقلعش الطاقية إلا هيا كانت طاقية ولا قناع؟؟!! عموما لهم نفس الدور بس الأهم تكون عارف أنت لابسها من نفسك ولا عشان نفسك فكر وأنت لابسها يا أبو الليل عشان تفكر بحرية أكبر
سكينة

Sherif Nagib يقول...

لازم ما نقلعش طاقية الإخفا.

و لا نقلع الطاقية و لا ننزل م العش.
ده كلام سليم جداً جداً بصراحة، و غير ذلك سيؤدي لعض مخالب الندم!

غير معرف يقول...

lel 2asaf ya abo el lel enta 2a3'falt aham el no2at wel doros el mostafada fel kesa we heya en el wa7ed mayesharsh lelet ras el sana bel badla el 7amra la2enaha 7amra, kont 3ayez 2a3raf 7aga mohema we heya feen ma7al el ward elly kan fate7 2abl el fagr be sa3ten lelet ras el sana ,enta 3aref el 2amr mayeslamsh el wa7ed yemawet es7abo we ye7tag yoorhom mayenfa3sh yero7 2edo fadya,thalethan ba2a we dah el aham fe eskat hena 3ala el police la2en enta ma2oltesh ra7 feen el sweter elly kan feh el mosadas we elly fawzy 2ala3o lama lebes badlet el e3dam,3ayez te2ol en el police 7arameya ya3ny walla a?

An Egyptian in UK يقول...

فى الحقيقة انا صاحب مدونة جديده ... و باكتب فيها بعض من تجاربى فى الحياه كمصرى بيحب وطنه... و يتمنى انه يبقى وطن حقيقى...حاليا باعيش فى انجلترا...المهم علشان ما طولش عليكم و اعطل وقتكم...اتمنى اضافة اسم موقعى الى قائمة مواقع صديقه بمدونتكم:

عنوان موقعى كالآتى:
http://kalambelmasry.blogspot.com/

و اسم المدونة "حدوته مصريه على المصطبه"

مدونتى عباره عن حدوته مصريه على المصطبه ...احكيها لابن بلدى المصرى البسيط "عبده" ...و هى حكايه سهله بس عويصه ...اتمنى انها تعجبكم

محمد الرفاعى
انجلترا

غير معرف يقول...

أنا محررة فى جريدة الأسرة العربية
وعاملة باب اسمه مدونات مصرية
أنشر فيه بعض المدونات المنتقاه وطبعا العنوان الخاص بالبلوج
وعموما أحب أقولك ان مدونتك انتشرت فى الجريدة الصادرة بتاريخ 25 ديسمبر الإثنين فى الصفحة السادسة
ياسمين
http://amyasser.blogspot.com/

بني آدم يقول...

أنا اول مرة ادخل مدونتك وبجد انا مرمي على الأرض من الضحك دلوقتي من أسلوبك اللي زي العسل اللي بيضحك وفي نفس الوقت بيوصل فكرتك

بس لو تنضف لسانك شوية وتبطل قباحة والله المدونة دي تبقى أحسن مدونة عالنت

hamada16aaa يقول...

هههههه موضواعتك كلها جميله انا بقول شكرا للظروف الي خلتني اعرف الموقع ده و توقعني عنك انا بقالي 6 سعات قاعد اضحك من الكلام الجميل الي بتكتبه ده بس انا لحد دلوقتي مش عارف ايه فكره الموقع ده عشان انا لسه مشترك فيه انهرده بس

a7aaa يقول...

لما تبقى كل حاجه تبضن والحياه كلها خرى لازم نشرب حشيش ونتسطل كمان علشان ننسى البعابيس اللي في طيازنا يا ابو الليل .... صح ؟
أحـــــــــا مصحوبه بعدة شخرات لولبيه الملمس
ههههههههههههههههههههههههههههههه

علان العلانى يقول...

أبو الليل
كل عام وأنت بخير ومن تحب ومن يحبك كل عام وأنت فى تمام الصحة والعافية وحفظ الله عليك بصرك وبصيرتك وأعانك على نفسك أولا وعلى فوزي... كل فوزي و فوزية

وبمناسبة طاقية الإخفا تتوارد الأنباء عن تجمع قوى الرابع والعشرين من ديسمبر و مطالبتها بوقفة ومسيرة وتطالب بتحقيق دولي في مقتل فوزي فى حين صرح مصدر غير مسؤول أن رجال الشرطة الذين قتلوا فوزي ليسوا من رجال الشرطة ولكنهم مندسين تنكروا بزي مغاوير الداخلية وأن هناك شك كبير أن يكون فوزى هو الذى قام بجريمة القتل التي حدثت فى المقهى فالمسدس المتحفظ عليه فى جريمة المقهى كان به كاتم للصوت وقد سلمه له السفير فالت-مان شخصيا وهذا يتعارض مع طاخ طاخ طاخ التى وردت فى التحقيق فصوت كاتم الصوت هكذا " دم دم توك " وقد قالها السفير مقربا رأسه من المايك للتوضيح ومضيقا من محاجر عينيه محركا رأسه لأعلى وأسفل ولهذا يرى سفير الدولة العظمى الوحيدة صاحبة أكبر رصيد من العظم والموز يفيض على كل كلاب وقرود المنطقة أن التحقيق الدولي هو السبيل الوحيد لمعرفة الحقيقة كما يحدث دائما فى كل المحاكم الدولية هذا الى جانب أن هناك تقرير يؤكد أن فوزى لم يكن يستخدم طاقية واحدة للإخفا بل أثنتين إلى جانب تنكره وارتدائه السترة الواقية، لهذا يربط بعض المحللين بين جريمة اغتيال فوزى وجريمة الاغتيال الغامضة فى "يوم نزلت من العرش" ويؤكد التقرير أن فوزى لم يكن يسأل عن أي فيل عندما يداعب أصدقاءه والعالمين بسر الطاقية، ولكنه كان يردد قبل أيام من اغتياله بأن من حق أثيوبيا أن تدافع عن نفسها

Sampateek يقول...

الحكمة الحقيقية في الموضوع

اننا مش لازم نشرب شاي
لان شفتطين شاي جبوله الكافية


ماله السحلب؟


---
الائيش معاك طاقية الاخفاء سلف اعيد بيها و ارجعها تاني
و خد رهن خمسة جنيه

--
عيد سعيد و سنة سعيدة

Gid-Do - جدو يقول...

حبيبى ابو الليل كل سنة وانت والاسرة طيبين

ادم المصري يقول...

حلوة وعجباني
واوعدك اني هانفذ الدروس المستفادة

سعد يقول...

ومن الدروس المستفادة ان فوزى لون دمه ابيض لانه غير لون بدلة لون بدلة الاعدام
هههههههههههههههههههههههههههه

smraa alnil يقول...

طب انا كنت بتابعك وبتابع فوزي
بعد ما فوزي اتعدم هتابع مين بقي
يمكن مش كنت بعلق عندك قبل كدة
بس طالما وصلت لحد الاعدام اعترض بقي
ههههههه
مانا كمان لابسة طاقية الاخفا
وابقي قابلني لو لقوني
يلا مش مهم
كل سنة وانت طيب

aboyehia يقول...

ابو الليل العزيز كل سنة وانت طيب
معلش متأخرة شوية
نسيت اقول لك ان من الدروس المستفادة والعبر التي لو كتبت بالابر على مآقي البصر لكانت عبرة لمن لا يعتبر
انه لو مستحمناش ممكن نحط كلونيا او كريم من بتوع تبييض البشرة اللي ريحتها حلوة
تحياتي يا جميل
على فكرة الصور بتاعة الساحل موجودة دلوقتي

arabchess يقول...

احييك( من مشتقات احة) يابو الليل على هذ المدونه ..انا عرفت المدونه دى بالصدفة ..مرة كنت ابحث عن التون جون فى جوجل فوجدت مدونتك مكتوب فيها التون جون الخول حر فى طيزه فى التعليقات ..انفجرت من الضحك ..مدونتك ظريفه..وفى الختام
احة حلزونية

arabchess يقول...
أزال أحد مشرفي المدونة هذا التعليق.
الدبور يقول...

ياسلام يا ابو الليل تصدق انا حبيت فوزي ده يلا بقي الله يرحمه كنت بحبه بس التقفه القدر حلوة التقفه دي
بس سؤال هو فوزي مش ليه اخوات يكملوا مسيرته او صاحب نجا من المذبحه اللي عملها فوزي
اسلوبك كوميدي كيك

و ابقي شرفنا يا ابو الليل في المدونه بتاعتي
www.tahges.blogspot.com

و انت موجود في المدونات الصديقه

أبو الليل يقول...

كل عام و أنتم بألف خير

و عذراً لتقصيري في التواصل لظروف بصرية

خالص محبتي

غير معرف يقول...

حبيبي يا فوزي
طب عايزين نعرف اتسجن فين ناخدله معانا عيش وحلاوه ومجلتين بلاي بوي يسلوا عليه وحدته هناك