الثلاثاء، ديسمبر 05، 2006

فوزي أمثال


الأمثال الشعبية..
نرددها و نستخدمها و نعتاد عليها, باعتبارها موروثاً شعبياً, فيها كثير من الحكمة , و فيها أيضاً كثير من البثور التي ربما جاءت نتيجة ظروف و أوضاع شديدة التعقيد أو شديدة العبث, لكنها في النهاية تخصنا نحن, و من حقنا أن لا نحب أو نتفهم كثيراً منها, او أن نكتشف أنها لم تعد تناسبنا! فما بين السلبية و الخنوع و الحسد يحاول المجتمع تجميل و تبرير و منطقة أمراضه أحياناً.. ثم تأتي (نكتة) ساخنة و لاذعة أو حتى (أغنية) أو تيمة موسيقية عبقرية في بساطتها و عمقها لتعيد توازناً ما و قد يولد مثل جديد يفحم سابقه! ..و تبقى دائماً للشعب قدرته على الامتصاص أو الاقتصاص من نفسه أو من مستعبديه..

"فوزي أمثال" عنده قدرة مش طبيعية على حفظ و ترديد الأمثال في كل المواقف و الأحداث, فوزي تفوّق على النسوان المقرّحة المذاكرة بتاعة فرش الملاية على الأسفلت بمراحل.. بس العجيب و المدهش إنه بيفهم الأمثال بطريقة مختلفة عن أي حد تاني..
الله يخرب بيت دماغك يا فوزي!


" اللي مالوش كبير يشتريله كبير"
يعني لو بتاعك صغيّر لامؤاخذة غيّره بواحد أكبر, الطب اتقدّم على فكرة..
و لو مش فارق معاك الموضوع أو مع الست هانم, خليك ماشي على المثل التاني: "أبو بتاع صغيّر كفاية عليه يتصيّر*" لامؤاخذة..

"يدّي الحلق للي بلا ودان"
خلاص بدل ما تبص في لقمة غيرك اللي انتا شايفه ما يستاهلهاش, قم بقطع ودانك عشان تاخد الحلق لامؤاخذة, و ابقى دوّرلك على حتّة تحطه فيها لامؤاخذة برضه..

"القرش الأبيض ينفع قي اليوم الاسود"
واضح إن اللي قال المثل ده يا إما تاجر حشيش, أو حد من بتوع عالم البحار..
لو تاجر حشيش: يومك حيبقى فوشيا مش إسود بعد ما يتقبض عليك بالقرش و يعذبوك بعصاية لامؤاخذة..
و لو بتاع عالم البحار: يومك حيبقى أحمر دم غزال بعد القرش ما يقرمك منها لا مؤاخذة..

"إصرف ما في الجيب يأتيك ما في الغيب"
المثل ده هو نقيض المثل السابق تماماً فشتّان ما بين البخيل و المسرف لكن..
الغيب ده بتاع ربنا, يعني مش لازم يا عم الكنغر باعتبارك موظف غلبان تضيّع فلوسك على العيش و الفول و البرنجان و هيئة النقل العام و كشاكيل و كراريس عيالك و كل الكماليات و الهبل ده, نام خفيف و خدها كعّابي و خللي ولادك يتعلمولهم صنعة تنفعهم..
و برضه حيتقبض عليك بروح امك يوم ما تضطر تسرق يا وِحِش..

"ما ينوبك يا مخلّص إلا تقطيع هدومك"
بسيطة..لو اتنين بيتخانقوا عركة موت, إقلع بلبوص و خليك شهم و هدّي النفوس, و ابقى البس هدومك و حط كالونيا بعد فضّ الاشتباك, بس المشكلة لو كان فيه عيال قليلة الأدب في ساحة المعركة لأنك ممكن تحس بحاجات غريبة يا جدع لامؤاخذة..
الأطفال أحباب الله عموماً..

"يخلق من ضهر العالم فاسد و من ضهر الفاسد عالم"
خلاص لو انت راجل شريف و نضيف و نفسك إبنك يبقى "أحمد زويل" روح ارتشي أو إلبس قضية فساد, و أضمنلك إبنك حيطلع عالم و بنتك حتطلع عالمة..
بالمناسبة: لو ربنا وفقك في قضية فساد كبيرة و متينة زي الحديد ما تخافش مش حيتقبض عليك..


* حقوق هذا المثل محفوظة لمدونة يا خي أحّه

ياخي أحّه..

9 تعليقات:

ahmedsobhy يقول...

ابو الليل
تدونات جميلة وساخرة بس محتاجة
شوية ضبط وربط علشان فيه بنات وسيدات محترمة بتدخل المدونات
حاول ان تخفف من الاباحة وانا ارهن انك ممكن تكون صاحب صفحة ساخرة فى جريدة

khalid jarrar يقول...

بففففف. يا أخ احمد مع كل احترامي ابو الليل مثلي و مثلك شخص محترم جدا، لكن صفحته هي المكان الوحيد في حياتي -و ربما حياته هو ايضا- الذي نسمح فيه لانفسنا بالوجود حول تلك الألفاظ لانه ببساطة يعبر بصوت عال عن كل ال...انبضانات التي بداخلنا جميعا التي لا يمكن ان نعبر عنها نحن بصوت عال ناهيك عن مكان عام. و لذلك نعود كل مرة، لنهز رؤووسنا و نغرق في الضحك و نفكرyikhrib betak yabo illel i cant believe you actualy said that
كل مرة.
يعني..ممكن السيدات اللي بحسو ان المكان غير مناسب الهم ميرجعوش مرة ثانية يعني، مش بالضرورة تكون كل البلوغز لكافة أفراد العائلة، ممكن بعضها يكون ..well... لمحبين ابو الليل فقط.
يعني الشخص الوحيد الذي يستعمل كل هذه الالفاظ بدون ان يبدو...مرفوضا -اذا شئت- هو ابو الليل. ربما لاحساسي بان من يقف وراء هذه الكلمات شخص ملتزم فعلا و يتحلى بضوابط أخلاقية مميزة. لكن يفرغ شحناته -بعد المعارك مع فرئوسة- في هذا المكان الذي نحبه جميعا.
يعني محدش غيره يستعمل الكلمات نفسها لو سمحتو، و انت يابو الليل ما تغيرش اسلوبك لو حبيت، اللي محتاج يسمع الكلام المنمق المقعر الذي يتجاوز نصف قطره الممتد الى مركزه الواقع الى الخارج عن حدود الجسم نفسه طول يوم الجمعة، بامكانه ان يقرا الجرائد الشاخرة!
و دمتم!

نبيل يقول...

انت مش ممكن بتجيب الافكار دي منين؟
أنا بتخنق من أمثال كتير بس اول مرة احس انها كوميدية و مسخرة بالشكل ده :))

أبو الليل يقول...

خالد جرار
موااااااه
:)

تمر حنه يقول...

أولا : خالد جرار انت متاخد غياب و لازم تجيب ولى أمرك بكرة عندى ( ياريت ماتأجرش واحد من عالقهوة يمثل دور ولى الأمر - هتتضربوا انتو الأتنين
ثانيا : أحمد صبحى - من امتى البنات و السيدات المحترمات أصبحن يجرحن من جراء الألفاظ النابية ؟ طوال النهار نستمع الى مالذ وطاب فى شوارع المحروسة دون ابتسام- فمن حق المحترمات الأبتسامه حتى ولو شابها بعض ألفاظ ابو الليل الأبيح
على فكرة يا أحمد هقولك على سر:- هذه المدونة أول مدونة يتفقدها النساء و الآنسات المحترمات -لكن سرا- عشان الأمبرستيج بتاعهم و كده يا أحمد

التدوين =افرازات الفص الخلفى وانت داخل المخ من عالشمال لا اراديا
ثالثا : أبو الليل الأبيح الله يسامحك خليتنى أكشف السر الكبير اللى بخفيه من زمان : انت الأبتسامه و الآهه و الضحكة و الدمعة - بس للأسف أبيح جدا- و خد المثل ده : اللى بيزمر مابيخبيش ... دقنه

غير معرف يقول...

abou el lel howa dah el kalam yam3alem ,ana ba2aly sanaten ba3teber el modawanat 3alam 7'as donyety elly ba7eb 2a3eshha bas lel 2asaf awel mara ashof modawantak enahardah we belsodfa el ba7ta we ana badawar 3ala 7aga le negm we ba2aly hena sa3ten bashof el mawade3 ademha we gededha we mish habatal 2agy we ashof we 2a3ala2 we 7'ososan ma3a 7oreyet el kelma hena, belnesba lel alfaz fa e7na aslan sha3b baze2 :D we belmonasba ana lesa embare7 kont rakeb microbus min 3ataba le el sayeda 3esha we mororan be share3 mohammed 3aly thoma bab el 7'al2 we fe bab el 7'al2 bent keberha 2 thanawy betshawer lel microbus we maw2efsh we be3elw sotha fel share3 (2o2af ya metnaaak) 3ady 7'als 7oreyet el ta3ber fel share3 el masry we fe mante2a mozda7ema we mawakef min de keter we ye2olak e7teram we banat betegy we ba3den fe ketab 3am negm (serto el zateya)kan kateb we beoslobo fe ketabet el shetema ya3ny 3ayes yekteb 2oltelo kos omak fa yektb ko... omak 3alshan el rekaba:D kan kateb 2alo le go7a ya go7a mane3rafsh eh mashy fel balad 2al madam be3ed 3an esmaha eh de malesh da3wa:D

غير معرف يقول...

ابو الليل وعمه.
اكتر شئ باكرهه فيك هو احساسي انك مؤدب في الحياة.ياريت تخيب ظني -طبعا مش بانك تشتمني انا-.

khalid jarrar يقول...

hahaha:D

mwwwwa back right at you yabo illel:D

7aaaadir ya abla:D ana 7ageeb os6a m7ammed il bawwab:D

علان العلانى يقول...

الصديق العزيز أبواليل
كان وضع العربة فى البوست السابق يشير بطرف ما الى مشوار التونه والسجاير فأستبشرت بأن هناك شىء جديد حفظك الله و أسمعنا عنك وعن" حبيبتيك" كل الخير لك خالص التمنيات والتحية والتقدير لك و لمحبيك وبعد--- ها أنت تأخذناخالطا الجد بالهزل فيما يلائم ما نحن فيه وشر البلية ما يضحك لمن يريد الحق وليس أبن عمه هذا أبن العم المرواغ والبهلوان عاشق اللف والدوران واعرف أنك ممن لايعوزون أبن العم هذا ولا يطيقونه لهذ ضربت الامثال وضرب الامثال كضرب الرصاص والعياراللى " ميصبش يدوش " أقول : لاحدود لعمق ونفاذ الرؤية فى الامثال و تلك الخاصية التى تلامس الواقع فى عناق فريد ، بحيث يبدو معه المثل كمفتاح المعنى كالجمال عندما يقطع الكلام بجلاله ولهذا دائما ما يأتى المثل فى نهاية الموقف مجملا أو فى بداية الحوار محيطا بالموقف منقذا للمعنى من البهتان عندما كتبت سيمون دى بوفار كتابها الوجودية وحكمة الشعوب كانت تشير فيما تشير للأمثال كخلاصة لفلسفة الشعوب مع الواقع المعاش كما فى كتابها مغامرات الانسان والأمثال كالنكات تتشابه عند الأمم المختلفة وأن أختلفت الصياغات وها أنت تساهم فى تعدد القراءات كنوع من أنواع تفعيل الامثال فى زمن هو نفسة مضرب للأمثال ولكن تظل هناك أمثال لازعة تخرج المعنى من بطن الشاعر ومن أماكن آخرى لتضعة أمام عين أوسمع أو أنف المتلقى ولكن كما يقول الانجليز
None are So deaf as those who will not hear
أو كما يقول المثل العربى تستطيع ان تأخذ الجمل الى الماء ولكن لاتستطيع أجباره على الشرب أو كما قال الشاعر لقد أسمعت أذ ناديت حيا-- ولكن لاحياة لمن تنادى ، ولكن هناك من الامثال الشعبية الحارقة الماحقة الذى لايعوز أبن العم بل ويطرده عندما يواجه مواقفت مثل " دلع الفارة الذى يفقع المرارة" ولكن يبقى هذا المثل الذى سمعته على ضوء الحوار حول هذا البوست على خلفية ما يحدث فى لبنان وأتهام السلطة للمعارضة(( بالعمالة))وأتخاذهاالسلطة وعلى رأسها جلياط صاحب معلقة-- لن ينالوا-- وضعية عتريس وعصابته فى شىء من الخوف وتتهم المعارضة بالعمالة لينطبق عليها المثل الذى و أعتقد أنه شفاهى وليس مكتوب والذى يقول " فوقه خراء وتحته خرا ويقول إاااف ريحة خرا" أو كما قال الراوى السنيورة تلهيك وتجيب اللى فيها فيك