من لندن مع حبي

إخواني المتضررون:

بلغة العربيات:
بخصوص (فراري) من مصر فده أمر غير صحيح (لادا) كلام مغلوط كمان.
بعدين مش منطقي إني (أودي) نفسي في داهية و تبقى آخرتي أنام ع (البورش) و اتبهدل آخر عمري.
أنا مجرد سافرت عشان ح ( جيب) دليل براءتي, وأدي الناس حقوقها.
و انتوا (بي أم) غباءكم عايزين تمنعوني من إثبات شفافيتي و نضافتي (أوبل) ما يخلص التحقيق في الموضوع.
حياتي طول عمرها (حافلة) بعمل الخير, و عمر زمتي ما كانت (كاوتش) و دايماً بتأنى في اختيار (المساعدين) بتوعي و مش باختارهم على (عجل) من ايام ما كنت لسة ع (الجنط) و عمري ما انتظرت (أجره) على أي خير بعمله لوجه الله, دنا كل سنة بعمل (عمره) و عارف ربنا كويس, (فتيس) و حمار مين اللي يفكر إني مش راجع تاني؟

بلغة المزيكا:
صدقوني أنا ح (عود) في أقرب وقت, و (كمان) حتتأكدوا إني إنسان برئ و قلبي عليكم.
و على فكرة (القانون) في صفي لأن ورقي كله سليم.
في الحقيقة أنا مش (هارب) من العدالة, أنا بدورلكم عن العدالة نفسها, لو تفكيرك عايز (تشيللو) فدي مشكلتك إنتا مش مشكلتي.
كله بوقته, و الطبيخ (الناي) عايز وقت عشان يستوي, نفسي قلبك ي (رق) شوية عليا, أنا زهقت من (الموشح) ده و حديكم على دماغكم ب (الطقطوقة), كفاية خرمتوا (طبلة) ودني من الزن و الدوشة.
و دلوقتي سيبوني (حدوزن) دماغي بلاش تلعبولي ع (الوتر) الحساس و تستخبولي تحت (السلم) لان (دو ري) لسة مانتهاش (فا) ارحموني شوية.

بلغة المأكولات:
دنتوا عالم (بتنجان) خالص, الدنيا فعلاً (خيار) و (فقوس) و كل واحد لازم يعرف مقامه.
الحصانة و (السلطة) بتحميني, و ما حدش يقدر يمس شعراية مني أو يقول إن المسألة فيها (كوسا)
(أنا ناس) كتير بتحاربني و بتحقد على نجاحي..
بعدين الناس اللي شتمتني بأمي فأنا أمي (لا زانيا) و لا حاجة, احنا عيلة شريفة و سمعتنا ناصعة زي (اللبن الحليب). و مهما الناس (لموني) فأنا موقفي ثابت.
سفري من مصر بيعتبر (كباب) للدخول إلى (كبدة) الحقيقة و جتها (نيفة) اللي عايزة خلف.
(سلمون) عليكم و أشوف و شكم بخير بعد عمر طويل.


يا خي أحه..