السجاير بتمسي عالتونة يا فرقوسة
هذا الكائن الصغير لديه قدرة خارقة مارقة على رسم ابتسامة حقيقية على وجهي يعجز أغلب بني البشر عن رسمها هذه الأيام..
هذه القطة التي تجاوزت الخمسة أشهر بقليل تغط في نوم عميق أمامي. خلف شاشة الحاسب و تسند رأسها الصغير على سلك الماوس, ربما لا تدري لماذا لا يتوقف ذلك الكائن أبو دقن و نضارة عن نقر لوحة المفاتيح, ربما يهذي, ربما يبكي, ربما يلهو.. أو ربما يحاول تعلم النونوة! لا يهم فصوت النقر يطمئنها و يمنحها مزيداً من الاسترخاء..
لا تقعوا في فخ هذا الهدوء و السكون.. فالعاصفة ستأتي بعد قليل, و ستقوم "فرقوسة" بإلقاء طفاية السجائر بما فيها من علٍ (سطح المكتب) للمرة الثالثة بعد المائة, و هذا مجرد تسخين بسيط لتُعلمني بأن هدنة السكون القصيرة قد انقضت, و جاء وقت المعارك, لن تقبل مني بأقل من الانصياع الفوري و إعلانها مجلجلة : أهلاً بالمعارك!
تحاول تغيير استراتيجيتها من آن لآخر لتفاجئني بتكنيك جديد من الكرّ و الفرّ و الإقبال و الإدبار, فأفاجئها أيضاً ببعض فنون القتال التي خبِرتُها إبّان انضمامي إلى فرق العسكر -أحياناً- و الحرامية -معظم الوقت- في حواري الصِبا (لما كنت لسة بشخة يعني ..أحه).
لا أدري هل هي تتقمص دور بني البشر أم أتقمص أنا دور بني القطط, لكن المؤكد أن كلانا يستمتع...
ياخي نياو نياو..
......................................
هامش: عارف إنك يا فرقوسة مبضونة من كمية دخان السجاير اللي بحرقها و عارف إني خنقتك و طلعت ميتين أهلك,طب إنتي ساعات بتصحيني من أحلاها نومة عشان أفتحلك علبة التونة و بعدين أغيرلك الرمل و أشيل شخاخك, يا ام شخة, إنتي كمان بتبضنيني, بس تخيلي...على قلبي زي العسل..
:)
هذه القطة التي تجاوزت الخمسة أشهر بقليل تغط في نوم عميق أمامي. خلف شاشة الحاسب و تسند رأسها الصغير على سلك الماوس, ربما لا تدري لماذا لا يتوقف ذلك الكائن أبو دقن و نضارة عن نقر لوحة المفاتيح, ربما يهذي, ربما يبكي, ربما يلهو.. أو ربما يحاول تعلم النونوة! لا يهم فصوت النقر يطمئنها و يمنحها مزيداً من الاسترخاء..
لا تقعوا في فخ هذا الهدوء و السكون.. فالعاصفة ستأتي بعد قليل, و ستقوم "فرقوسة" بإلقاء طفاية السجائر بما فيها من علٍ (سطح المكتب) للمرة الثالثة بعد المائة, و هذا مجرد تسخين بسيط لتُعلمني بأن هدنة السكون القصيرة قد انقضت, و جاء وقت المعارك, لن تقبل مني بأقل من الانصياع الفوري و إعلانها مجلجلة : أهلاً بالمعارك!
تحاول تغيير استراتيجيتها من آن لآخر لتفاجئني بتكنيك جديد من الكرّ و الفرّ و الإقبال و الإدبار, فأفاجئها أيضاً ببعض فنون القتال التي خبِرتُها إبّان انضمامي إلى فرق العسكر -أحياناً- و الحرامية -معظم الوقت- في حواري الصِبا (لما كنت لسة بشخة يعني ..أحه).
لا أدري هل هي تتقمص دور بني البشر أم أتقمص أنا دور بني القطط, لكن المؤكد أن كلانا يستمتع...
ياخي نياو نياو..
......................................
هامش: عارف إنك يا فرقوسة مبضونة من كمية دخان السجاير اللي بحرقها و عارف إني خنقتك و طلعت ميتين أهلك,طب إنتي ساعات بتصحيني من أحلاها نومة عشان أفتحلك علبة التونة و بعدين أغيرلك الرمل و أشيل شخاخك, يا ام شخة, إنتي كمان بتبضنيني, بس تخيلي...على قلبي زي العسل..
:)
18 تعليقات:
She is so freaking beautiful!!
:)))
mine is white, she is one year old and her name is mishmsih, and she likes to try to sleep on the keyboard while i am working on it:P
needless to say that our battles result always in long scraches all over my hands. bas ana ma baskotsh y3ni, hiyya t3oddini o ana a3oddaha kaman, ma 7addish 2a7san min 7ad!
انت عارف يا أبو الليل ان القطة بتفتكر اننا احنا الحيوان الاليف بتاعها وانها ستنا وتاج راسنا .. بس زي ما قلت هم أحلى على قلبنا من العسل.. أنا عندي قطة سيامي بس عمرها 5 سنين مش 5 شهور وبيني وبينها علاقة حب-كراهية عجيبة جدا..بموت فيها بس بتجنن لما بسمعها بتنونو كتير
أبو الليل أنا وزوجي من أشد المعجبين فيك وفي كتاباتك .. فعلا بتفش الخلق
ودمت
مع أحترامي للقطه بتاعتك
أنا موش بحب القطط أبدا
بس كان عندي كلبه لولو تجنن أسمها ريتا كانت بنتي بتحميها بشامبو مخصوص
وتسرح لها شعرها
وتعمل لها فيونكه ستان علي رقبتها
وتوديها للكوافير كل كام شهر علشان يقص لها شعرها
ولازم تأكل لحمه مفرومه مطبوخه
ومتاكلش اي حاجه
لها أكل مخصوص
ولما تخلص اكل
بنتي تجيب لها فرشه الأسنان
وتغسل لها سنانها
كمان
يعني كانت كلبه هانم بصحيح
بس الحقيقه
أنا كنت مفقوعه منها لأنها
تحفه عليها غباء محصلش
تهوهو علي اللي المفروض ماتهوهوش عليهم
وتروح تتمسح في اي حد غريب
وتعمل بيبيه في اوضه الصالون علي السجاده
مانفعش فيها اي تعليم
وكل ما انوي أسربها بنتي تزعل عليها أضطر اسيبها
وفي الآخر أخدتها
وأديتها هديه للسباك بتاعنا
طبعا المسكينه حالها أتدهور
ولما أسأل السباك ليه شعرها وسخ ومنكوش كده
أنت موش بتحميها
يقول لي بحميها يامدام وبأغسل لها شعرها ببرسيل
فعلا بقت قطه متشرده
وكل بنتي ماتشوفها في الحاله دي
تقعد تعيط وتقولي ذنبها في رقبتك
اقولها امشي يابت
روحي ربي لك طفل يتيم ينوبك ثواب
بلا ريتا بلا دلع بنات فاضي
تصدق و أنا كمان حبيتها
انا عندى اصيع قطط فى الدنيا
القطط بتاعتى عاملة رباطية, بيساعدوا بعض فى فتح باب التلاجة و ينزلوا كل الاكل على الارض و يتشاركوا فيه
و كان فى فترة عندنا كلبة عاسيشة معاهم, كانت هى اللى تفتحلهم التلاجة
و كان فيه قط مصاحب الكلبة اوى' كانوا يقعدوا يلحسو فى بعض
هىهى قطط ضايعة
hi de 2ol mara akteb feha l7ad sorry i don't have arabic,3gabne ktabatak gedan
طب - كلكو بتحكوا عن البيتس بتوعكوا - و انا ماليش نفس:
ابو فرقوسه و ابو مشمشه و ام ريتا -
أنا فشلت فى جميع مشاريع تربية الحيوانات الأليفه ,ياما طيرت عصافير و قطط هربت عالسلم و فيه زحلفه ماتت منى
عندى اقتراح : زى ما ليلو نشر صورة فرقوسه - يابن جرار صورلنا مشمش و ماعط ينشر صور قطاقيطه
و انتى يا مكسوفه صورى ريتا و "السباك" فى صورة عائلية- آآآه ربنا يرد غيبتك يافوزىىىىى
معلش ياابو الليل
حاارد عندك علي الجميله تمر حنه
والله دمك شربات
وبعدين بنتي ماليه موبيلها صور ريتا
من غير السباك
وفعلا المفروض نصورها مع السباك بس برقم
زي اللي بيقبضوا عليهم
لأنها خلاص بقت متشرده
وانا موش زعلانه عليها
ده مصير
كل كائن غبي
وتحياتي لك ياعسوله
طيب يا مكسوفة لم هو دة مصير كل كائن غبي، أمال الكائن الغبي اللي في بالي بقاله 25 سنة مابيحصلوش حاجة ليييييييييييه!!؟؟؟؟؟
خالد جرار
واضح إن قططنا مثقفة و بتحب كمبيوتراتنا, مش غريبة لو جه يوم و لقيناها بتدون
aproudarab
تحية لكِ و لزوجك و لحبيبتك السيامية
أحياناً نستمتع بتدليل قططنا أكثر من استمتاعنا بتدليلها لنا, و نظريتك تعجبني
:)
مكسوفة
ماشي يا عدوة القطط
و مبهدلة البوبيهات
ربنا عالمفتري
:(
أبو الزنوج
مصدقك
Ma3t
قشطات بيعجبني الجو ده, بحب القطط الضايعة و الهبل اللي بتعيشنا فيه
:)
مجهول
نورت المطرح
تمر حنه
ميت مرة قلتلك الزحلفة ما بتحبش تنام في الميكرويف
شريف نجيب
حاسس بيك
:)
عمر
احمد ربنا إن الديناصورات مخها كان صغير, و الا ما كانتش جت في إعلان موبينيل بتاع الغاء الرسوم الادارية و كان زمانها مبهدلانا و بتبرطع فوق جماجمنا لا مؤاخذة
صابر
الف بعد الشر على بضان ميتين أبوك يا ذوق
....
صاحبة السعادة نيو
لقد فتحت عالم رحيب عزيزى أبو الليل ، لم أكن أعتقد ان مثل هذا الحوار والملاحظات التى سوف أكتبها لها سبيل لولا هذه التدوينة الشديدة الخصوصية وعميقة الدلاله فى زمن أصبح التواصل العميق فيه يكاد ان يسجل مستحيل رابع -- وبعد التحية الى أميرتك الصغيرة ، فرقوسة، هذا الكائن الصغير الذى يتسطيع خربشة ابو الليل بدون عواقب أقول متواصلا مع حوارك الحميم ، لو اتخذ الغموض شعار لكان قطة ، ولعل هذا سبب الاساطير التى نسجت حول القطط، هناك الكثير من الخصوصية تميز هذا الكائن قدرتها على التواصل الصامت، مزاجها المعتل مرونتها الفائقة ، التى اوهمت بتعدد حيواتها تلك المساحة بين الصمت واللعب التى تكاد ان ترسم شخصية لكل قط ،هذا الإنتباه الدائم فصعب جدا ان تفاجىء قط، العل بعض من هذا او جزء منه كان سبب وجودها كرمزوشعار فى الحضارات المختلفة ومنها الحضارة الفرعونية، وأبت الا ان تسجل حضور لها مع واحد من أشهر وأهم رواة الحديث فى بدية الإسلام فأصبح يكنى بها هو أبو هريرة ،عندما وصلت الى أنجلترا اول مرة سكنت بالقرب من الجامعة فى أحد المساكن التى تأجر بواسطة الجامعة من تلك البيوت التى يهبها أصحابها للجامعة لتتحول الى سكن للطلبة تحت أتشرف الجامعة ، سحرنى موقعة وجماله عندما ذهبت فى أول يوم وكان مساء بعد أن أكملت بعض الإجراءات وتسوقت بعض الضروريات كانت هناك قطه كبيرة ظهرت أمام مدخل الباب بعد ان فتحه الحارس هى اول من أستقبلنى وأنتبهت الى تلك النظرة الفاحصة التى بدت مذهلة ، ثم لم أعد اراها كانت تظهر أحيانا فى ممرات البيت تمشى بتمهل وتنظر الى نفسها فى مرايا الممرات التى بطول الحائط، وكأنها ولادة بنت المستكفى التى كانت تكتب على ذيل ردائها" أنا والله أصلح للمعالى-- وأمشى مشيتى وأتيه تيها" وكنت ألاحظ الاهتما م الشديد من الحارس ومشرفة المنزل بها وعلمت بعد ذلك بالطبيب ،مما ذكرنى بفيلم نجيب الريحانى "غزل البنات" وكانت هنا غرفة صغيرة بجوار المغسلة يبدو منها أثاث غريب وبها ثلاجة متوسطه ومجموعة من الكراتين وكنت الاحظ ان الغرفة دائما مفتوحة بعكس كل الغرف ثم عرفت أنها غرفة القطةلاعرف بعد ذلك ان تلك اليافطة النحاسية المحفورة فى المدخل وكل التعليمات فيها هى عن هذة القطة والتنبيه على شرط فى العقد ينص على التعاطف معها وذلك ببساطه لانها صاحبة البيت حقيقة لامجاز فهذا المبنى الذى كان يتميز بموقع فريد وتحيط به حديقه رائعة فى مساحة أستثنائية والذى كان يساوى فى ذلك الحين منذ ما يزيد عن عشر سنوات أكثر من نصف مليون جنيه استرلينى، وهبته صاحبته الى من رأت انها اجدر به من كل من حولهامن كائنات وعلمت من مشرفة المنزل ان صاحبة المنزل تركت تفاصيل الطقوس فى حالة موت القطة ، لينتقل البيت بعد ذلك لملكية الجامعة وهناك مكتب محاماه مشرف على الاتفاق ومتابعة الاشراف على القطه ولعل أغرب ما حدث لى مع هذه القطه، هو ما حدث فى يوم أستيقظت بعد منتصف الليل على صوت خربشات على باب الحجرة وبعدما تبينت ان الصوت متعمد فتحت الباب لأجد أمامى القطه تنظر الى ثم تمشى قليل وتنظر ورائها فأنتبهت ان القطه تريد نى ان أتبعها وهكذا قادتنى الى الاسفل حتى باب غرفتها ووقفت أمام الثلاجة فقمت بفتح الباب ثم أحضرت الطبق الخاص بها وفتحت علبة من علب طعامها ثم قدمت لها الطعام فأنتبهت من نظرتها أنها لا تريد ان تأكل أمامى فذهبت ثم غلبنى الفضول وعندما أطللت براسى فوجئت بظرة عتاب تكاد ان تكون زجر ، جعلتنى أضرب كف بكف وهكذا أخى ابو الليل كنت مقيم لما يقرب من عام فى منزل صاحبة السعادة نيو
ابو الليل يقول اللى هو عايزة فى البلوج بتاعة وانت يا صابر قول اللى انت عايزة
مبضون قوى متقراش البوست!!!!
وانا كمان اتشرفت ياست فرقوسة
بس المشكلة انا عندى حساسية من القطط
بس الجماعة بتموت فيها وعندها بتاع خماشر قطة فى البيت
قللى يا ابو الليل اعمل ايه بقة فى ام الموضوع دة
بصراحه انا بقرف وكمان بخاف من القطط والكلبات واى حيوان او حشرة
الحاجة الوحيدة الجربت اربيها كانوا كام كتكوت وعملت ازمة سياسية فى البيت عشان اقدر اخليهم معايا
ولما حسيت انهم بردانين حطتهم فى الفرن عشان ادفيهم لقيتهم اتشووا
وبطلت افكر اربي اى كائن غريب فى البيت حتي لو كان انسان
مضمنش اى حد الوقتي ممكن يتسعر
eh elalfaz bent mayteen .... di? haha!
great intiative!
eh elalfaz bent mayteen ... elwatya di?
haha
great initiative, long live egypt!
يا ابو الليل تفتكر انا بقالي قد ايه بادور عليك اقسم بالله من حوالى اربع شهور دخلت عندك ما اعرفش ازاي ومنين ولما حاولت ادور عليك على جوجل اكتشفت انك مش مسجل هناك لكن كل ما اقابل واحد من الشوباب البلوجرز اسئله عنك لغاية لما ربنا يسترها الست تمرمر حنة عملت لك لينك في مدونتها واخيرا لقيتك لانك فعلا بتقول كلام مفتكس وبخللي الواحد يخرج البضنة اللي هو فيه فتحية لي منك ويارب نكون اصدقاء ولا اصدقاء الفلاح في زمانه وسلم لي على فرقوسة لغاية لما ابقة الاقي لها بقين حمضانين اقولهم لها هههههههه
المزاجنجى http://elmazagange.blogspot.com/
هههههههههههههههه
كان عندى قط اسمه ممش برضه....بس تحس انه بغل مش قطه ....
كان تنك بطريقة بنت :@#$%
ميطلعش السلم...لازم يطلع فى الاسانسير...
الاكل بتاعه فى طبق نضيف وكمان على صينية ...
الرمل بتاعه من اجود الانواع
ياله...اهو راح لصاحبة النصيب...
وحشتنى ايام التنطيط عالكيورد...والجرى وراه عشان يسيب الماوس
بسا يا معلم
إرسال تعليق