الجمعة، أبريل 21، 2006

كلام مرسل و خلاص


شيفاز من غير تلج
و جن تونيك مع نص لمونة
و مارتيني للمدام
و بلودي ماري مع مزيكا (under ground) سديمية المنشأ
وحشيش مغربي (على أبوه) الذي لم يلتق به بعد..
بدأت لحظة الشعشة
و تحركت ملكة الخيال
و بدأ الكلام عن (إضطهاد) طيور السنونو
و عن نزوات الحوت اللاهي داخل المجمع الكبير الذي من حقه أن يتدلع
بدأ الكلام عن حتمية النزول للشارع
و معالجة كل أمراض الذكورة
و الفتن النائمة و المستيقظة
و عن كيفية قياس توجهات الصحافة الشعبية
و عن مفهوم (العمالة)..
و عن الارتياح لفكرة العمالة الغير مقصودة..
و عن اختلافها الشديد عن العمالة المجانية..
فن الهدايا و الهداية بمفهوم آخر..
و في كنف (الأفورة).. ستاتي كل الحلول..
لأن (الدماغ) البشري يكون في أقصى درجات (التجلّي)..
و بعد وقت قصير.. لا بد أن تبدأ جولة جديدة..
فها هو الوطن أصبح (مثالياً) بلا فتن و لا إضطهاد و لا (إخوان)..
و ها هي العلمانية تنقذ ما تبقى من رجعية و اضمحلال..
و ها هن النساء قد حصلن على كامل المساواة..
و ها هي خانة (الديانة) لم يعد لها وجود, و أصبحت جميع حقوق المواطنة مكفولة..
و ها هو وهم (القومية) يتبخر.. و الرايات (الكونية ترفرف في كل ركن)..
أصبح من حقك الآن أن تقبل حبيبتك وسط ميدان التحرير قبلة فرنسية طويلة, دون أن يضايقك أحد..
تستطيع النوم بملء جفونك دون أن يزعجك صوت الآذان.. أو حتى قرع الأجراس..
لماذا ينفذ الثلج بهذه السرعة؟
خسارة يا ابن الهبلة تكسر الشيفاز بالكولا..
خلاص خد بيرة..
مع إنها حتخليك تطرطر أكتر..

يا خي أحه..

17 تعليقات:

نيمو السمكة يقول...
أزال أحد مشرفي المدونة هذا التعليق.
tamer يقول...

يروح الحشيش وهفضل اعيش وشايف بعنيا كل شىء زى ما هو

لو عايز تغير عليك وعلى فرنسا هنا شعار لاتغير ولا حتى فى بوقير

. ربنا يوفقك

الى الامام

Malek يقول...

ما شابه الليلة بالبارحة وهما الثوار طول عمرهم كده
يعني تغيير في غرف النوم وتهريج وتهجيص
بس الشيفاز والحشيش المغربي ده غالي قوي
بيجيبوا كل الفلوس دي ازاي؟؟
ربنا يخليك يا ابو الليل ياجميل
دي ناس وسخة صحيح
اسامة

Sherif Nagib يقول...

كعادتك ..يخرج الكلام مباشرا صادقا من غير كلكعة أو سفسطة أو صراخ.

نريد تصقيف حاد، ارفع صوتك في المزاد كي يسمعك الكوميسير الأبيض.

متى انقلب حال الضحيتان ليصبح أحدهما جلادا ؟.. لست أدري .

Sherif Nagib يقول...

تصفيق مش تصقيف.. غلطة مطبعية أحسن دي عيب قوي :)

Gid-Do - جدو يقول...

الله يسامحك ياحبيبى يابو الليل
التدوينة دية اثبتت لى ان اللى فات من عمرى ضاع هدر للاسباب التالية

عدم اكلى للتونة لانى لو كنت بكلها كنت يمكن بقالى دماغ قريبة من دماغك

عدم تجربتى ومعرفتى للمواد الكيمائية التى تم ذكرها والتى لها القدرة على تحويلى الى زعيم

من بكرة حكبر دماغى
وبداء اشرب حشيش
وانزل اونون فى الشارع
وبقى اكبر زعيم
هيه هيه

El3en Elsehrya يقول...

In few word. U have been able to portray the -allegdly- strugglers and neo-activists.
Sometimes, i think that is all about producing controversy.

Anyway, each time I read a new post from you, i respect u more and more.

Keep what u r doing, we need that rational voice to be loud and louder.

غير معرف يقول...

لونك حزينى ياصحبى
الحزن وناس ونبيل بس ضلمه أوى كنت مره قاعد فى قهوه بلدى وعدى شاب وكان أمام القهوه مرشوش ميه الشاب اتكعبل جامد بس قدر بصعوبه يلحق نفسة وده خلاه كأنه بيرقص وينط بص لى معلم القهوه وقالى وعينه مليانه - من المغربى-أيه ياخويا شباب اليومين دول ده مش عارف يقع

فوزى

السهروردى يقول...

أبو الليل يا أخويا
أنت مش قاصد نفسك أنت قاصد حد تانى- اللى بالى بالك أنت - بالكلام ده ؟
معلش إذا كنت بسأل سؤال غبى بس محتاج الرد عليه
ابو الليل معلش لو حسلم على نيمو
:)
نيمو أخويا - برضك - إزيك ؟
مش فاكر مين قال كلمتين دول بس انا مؤمن بيهم لدرجة تعدى الفلكات

و من بعيد القمر عوام بلا شاطى
مادخلش شباكى دا عالى و دا و واطى
هوه اللى يعشق عيون بلده يصير خاطى
إن كان عشقك يا مصر خطية و نجاسة
طين النجاسة - يا نخاسة -بلغ باطى

و هو دا اخر كلامى فى موضوع الوطن و الوطنية

أبو الليل يقول...

سهروردي
أيه يا صاحبي؟أكيد مش قاصد نفسي

جدو الحبيب
فهمتني غلط, القغدة دي مش قعدتي لا مؤاخذة

المجهول فوزي
كلامك ليه معنى, و بين الرقص و الوقوع تكمن ألف حكمة

شريف نجيب
ما أكثر الجلادون و الضحايا و المتفرجون

العين الساهرة
وصل المعنى

أسامة-مالك
هما فين الثوار الحقيقيين..دنيا

تامر
ماليش في الفرانكفون

نيمو السمكة
في انتظار موضات جديدة يا صديقي

youssef_el_seba3y يقول...

y3ny enta sayeb kol shrmtah el bt7sel bt3et metnken el mahger wa shrmtet el 23lam 3ndena wa mozhret akbat mahger youm 24 wa mrkez 3ala kosm el metnaken el 3mlen feha modern gevara...

ya a7'y a7ah

fady يقول...

'7'7'7'7'7'7'7'7
إن شاء الله أعدمه إن كنت فهمت حاجة

أبو الليل يقول...

محنا قلنا "كلام مرسل و خلاص" في العنوان لا مؤاخذة
:)

Zengy يقول...

تحية للحوت الأحمر
و السلوث البرتقالي
و الماموث الفحلقي
و التنين الخراوي

و كل حيوانات زريبة البلوج سفير المصري

salah يقول...

انا ماسك نفسي من الصبح , وعمال ببرطع في جميع الاتجاهات ومع جميع الحيوانات
ومش عايز اجي هنا عشان ميجيش واحد بريالة يقول علي انا بعترض والسلام

المهم يعني, انا كحيوان وعن تجربة علمية معملية فذة عايز اقول ان الزريبة دي فعلا زريبة وسخة
ودة ماهوش كلام مرسل

el magda3 يقول...

leah el bedan dah

Duke يقول...

عندك حق يا شريف
الضحايا دلوقت بياكلوا فى بعض وبابا قاعد بيتفرج وفرحان